استانا. KAZINFORM - تۇركىستان وبلىسى پروكۋراتۋراسىنىڭ ۇيلەستىرۋىمەن، قارجىلىق مونيتورينگ اگەنتتىگىنىڭ جانە ۇلتتىق قاۋىپسىزدىك كوميتەتىنىڭ وبلىستىق دەپارتامەنتتەرى بىرلەسىپ، وزبەكستان قۇقىق قورعاۋ ورگاندارىنىڭ قولداۋىمەن جانارماي ونىمدەرىن جاسىرىن توننەل ارقىلى شەكارادان وتكىزۋمەن اينالىسقان حالىقارالىق قىلمىستىق توپتىڭ ارەكەتىن اشكەرەلەدى.
تەرگەۋ بارىسىندا انىقتالعانداي، قازاقستان مەن وزبەكستان اراسىنداعى شەكاراعا جاقىن اۋماقتا توپ مۇشەلەرى 450 مەترلىك جەراستى توننەلىن قازعان.
قىلمىستىق سحەما 2 اي بويى جۇمىس ىستەگەن. وسى ۋاقىت ىشىندە شەتەلدەن قارجىلاندىرىلىپ وتىرعان جانار-جاعارماي ماتەريالدارىن تاسىمالداۋعا ارنالعان لوگيستيكالىق باعىتتار مەن جاسىرىن شىعارۋ ارناسى قۇرىلعان.
وپەراتسيا بارىسىندا وزبەكستان تاراپى دا ءوز اۋماعىندا ءدال وسىنداي شارالار جۇرگىزگەن. ناتيجەسىندە قىلمىستىق ارەكەتكە قاتىسى بار بارلىق تۇلعا انىقتالدى.
قازاقستان رەسپۋبليكاسىنىڭ 5 ازاماتى كۇدىكتى رەتىندە تانىلدى.
قازىر تەرگەۋ اياقتالىپ، قىلمىستىق ءىس سوتقا جولداندى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан