وقيعاعا جارتى جىلدان استام ۋاقىت وتسە دە، وتباسى بۇل جاعداي تۋرالى كوپشىلىككە تەك قازىر عانا ايتىپ وتىر. تۋىستارىنىڭ سوزىنشە، 25-اقپان كۇنى قورداي اۋدانىنا قاراستى قاراكەمەر اۋىلىندا الگەبرا ساباعى كەزىندە بالا سىنىپتاسىنا تاقتاداعى جازبانى سۋرەتكە ءتۇسىرىپ جىبەرمەك بولعان. الايدا كادرعا بايقاماي مۇعالىم دە ءتۇسىپ قالعان.
وسىدان كەيىن پەداگوگ 200 مىڭ تەڭگە كولەمىندە ايىپپۇل سالىناتىنىن ايتىپ، وقۋشىدان تۇسىنىكتەمە جازۋدى جانە اكەسىن مەكتەپكە شاقىرتۋدى تالاپ ەتكەن.
وسىدان سوڭ قۋانىش مەكتەپتەن شىعىپ كەتكەن كۇيى ۇيىنە ورالماعان.
تۋىستارىنىڭ ايتۋىنشا، بالانىڭ جوعالعانىن ءبىر ساعاتقا جۋىق ەشكىم بايقاماعان. مۇعالىم كەيىن وتباسىنا حابارلاسىپ، بالانىڭ مەكتەپتەن شىعىپ كەتكەنىن جانە ودان بەرى كورىنبەگەنىن ايتقان. ارادا ءبىراز ۋاقىت وتكەن سوڭ قورادان جاس ءوسپىرىمنىڭ دەنەسى تابىلدى. قايعىلى وقيعانىڭ وتكەنىنە جەتى اي بولعاننان كەيىن وتباسى بۇل وقيعانى كوپشىلىككە جاريالاپ، قايعىلى جاعدايعا دەيىن بولعان وقيعالاردىڭ بارلىعىن جان-جاقتى ءارى وبەكتيۆتى تۇردە تەكسەرۋدى سۇراپ وتىر.
ءبىزدىڭ ارقاسۇيەر تانىسىمىز دا، ىقپالدى ادامدارمەن بايلانىسىمىز دا جوق. ءبىز تەك ادىلدىك ورناعانىن قالايمىز، - دەپ جازدى قۋانىشتىڭ اپكەسى الەۋمەتتىك جەلىدەگى جازباسىندا.
پوليتسيانىڭ مالىمەتىنشە، جاس ءوسپىرىمنىڭ قازا بولۋ فاكتىسى بويىنشا قىلمىستىق ءىس قوزعالعان.
- وقيعانىڭ ءمان-جايىن تولىق انىقتاۋ ءۇشىن بارلىق قاجەتتى تەرگەۋ ارەكەتتەرى جۇرگىزىلىپ جاتىر، - دەپ جاۋاپ بەردى ۆەدومستۆو وكىلدەرى.
بۇعان دەيىن قورداي اۋدانىندا كامەلەتكە تولماعاندارعا قاتىستى بىرنەشە قايعىلى وقيعا بويىنشا تەرگەۋ جۇرگىزىلگەن. ناۋرىز ايىندا قاينار جانە ماسانشى اۋىلدارىندا ەكى جاس ءوسپىرىم قازا تاپقان. وسى ەكى دەرەك بويىنشا دا پوليتسيا سۋيتسيدكە دەيىن جەتكىزۋ بابى بويىنشا قىلمىستىق ءىس قوزعاپ، تەرگەۋدى باستاعان.