استانا. KAZINFORM - جالپى پراكتيكا دارىگەرلەرىنىڭ وكىلەتتىگىن كەڭەيتىپ، بۇل جۇيەنى قارجىلاندىرۋ كولەمىن كەزەڭ-كەزەڭىمەن ۇلعايتۋ ماڭىزدى. بۇل تۋرالى قازاقستان حالقىنا جولداۋىن جاريالاۋ كەزىندە پرەزيدەنت قاسىم-جومارت توقايەۆ ءمالىم ەتتى.
- سونىمەن قاتار ءبىز جالاقىنىڭ ەڭ تومەنگى مولشەرىن كەزەڭ-كەزەڭىمەن كوبەيتە بەرەمىز. مەن ۇكىمەتكە ەڭ تومەنگى جالاقى مولشەرىن 85 مىڭنان 110 مىڭ تەڭگەگە دەيىن كوتەرۋدى تاپسىرامىن، - دەدى قاسىم-جومارت توقايەۆ.
پرەزيدەنتتىڭ ايتۋىنشا، وسى مىندەت كەلەسى جىلدىڭ 1-قاڭتارىنان باستاپ ىسكە اسىرىلۋعا ءتيىس.
- بۇل 1,8 ميلليون ادامنىڭ، سونىڭ ىشىندە بيۋجەتتەن جالاقى الاتىن 370 مىڭنان استام قىزمەتكەردىڭ تابىسىن ارتتىرۋعا ىقپال ەتەدى، - دەدى مەملەكەت باسشىسى.
بۇعان دەيىن پرەزيدەنت قاسىم-جومارت توقايەۆ قۇرىلتاي وتىرىسىندا «جاڭا تاريحي كەزەڭدەگى قازاقستاننىڭ وزەكتى مىندەتتەرى» اتتى جولداۋىن جاريالاپ جاتقانىن جازعان ەدىك.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.