ەڭ الدىمەن كەلىسسوز قورىتىندىسى بويىنشا پرەزيدەنت قاسىم-جومارت توقايەۆ پەن پرەزيدەنت ەمومالي راحمون قازاقستان رەسپۋبليكاسى مەن تاجىكستان رەسپۋبليكاسى اراسىنداعى ىنتىماقتاستىقتى ودان ءارى دامىتۋدىڭ باسىم باعىتتارىن ايقىندايتىن بىرلەسكەن مالىمدەمە قابىلدادى.
سونداي-اق مەملەكەتتەر باسشىلارىنىڭ قاتىسۋىمەن ەكى ەلدىڭ رەسمي دەلەگاتسيا مۇشەلەرى ۇكىمەتارالىق جانە ۆەدومستۆوارالىق قۇجاتتار الماستى:
1. قازاقستان رەسپۋبليكاسى ۇكىمەتى مەن تاجىكستان رەسپۋبليكاسى ۇكىمەتى اراسىنداعى تاجىكستان رەسپۋبليكاسى ۇلتتىق قاۋىپسىزدىك مەملەكەتتىك كوميتەتىنىڭ شەكارا اسكەرلەرى ءۇشىن كادر دايارلاۋ سالاسىنداعى كەلىسىم؛
2. قازاقستان رەسپۋبليكاسى ۇكىمەتى مەن تاجىكستان رەسپۋبليكاسى ۇكىمەتى اراسىنداعى ەلەكتر ەنەرگەتيكاسى سالاسىنداعى ىنتىماقتاستىق تۋرالى كەلىسىم؛
3. قازاقستان رەسپۋبليكاسى ۇكىمەتى مەن تاجىكستان رەسپۋبليكاسى ۇكىمەتى اراسىنداعى تاۋ- كەن ءوندىرۋ جانە تاۋ- كەن مەتاللۋرگياسى سالالارىنداعى جوبالاردى دامىتۋ ماقساتىندا ۇزاقمەرزىمدى ىنتىماقتاستىقتى ودان ءارى دامىتۋ جانە تەرەڭدەتۋ تۋرالى كەلىسىم؛
4. قازاقستان رەسپۋبليكاسى مەن تاجىكستان رەسپۋبليكاسى اراسىنداعى تاۋار اينالىمىن 2030 -جىلعا دەيىن ۇلعايتۋ جونىندەگى جول كارتاسى؛
5. قازاقستان رەسپۋبليكاسى باس پروكۋراتۋراسى مەن تاجىكستان رەسپۋبليكاسى باس پروكۋراتۋراسى اراسىنداعى سەرىكتەستىك جانە ىنتىماقتاستىق تۋرالى مەموراندۋم؛
6. قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى مەن تاجىكستان رەسپۋبليكاسى ۇكىمەتى جانىنداعى الەۋمەتتىك ساقتاندىرۋ جانە زەينەتاقى اگەنتتىگى اراسىنداعى زەينەتاقىمەن قامسىزداندىرۋ سالاسىنداعى اقپاراتتىق ىنتىماقتاستىق تۋرالى كەلىسىم؛
7. قازاقستان رەسپۋبليكاسى دەنساۋلىق ساقتاۋ مينيسترلىگى مەن تاجىكستان رەسپۋبليكاسى دەنساۋلىق ساقتاۋ جانە الەۋمەتتىك قورعاۋ مينيسترلىگى اراسىنداعى دەنساۋلىق ساقتاۋ سالاسىنداعى ىنتىماقتاستىق تۋرالى كەلىسىم؛
8. قازاقستان رەسپۋبليكاسى ەنەرگەتيكا مينيسترلىگى مەن تاجىكستان رەسپۋبليكاسى ەنەرگەتيكا جانە سۋ رەسۋرستارى مينيسترلىگى اراسىنداعى مۇناي ونىمدەرىن جەتكىزۋ سالاسىنداعى ىنتىماقتاستىق تۋرالى نەگىزدەمەلىك كەلىسىم؛
9. قازاقستان رەسپۋبليكاسى اۋىل شارۋاشىلىعى مينيسترلىگى مەن تاجىكستان رەسپۋبليكاسى اۋىل شارۋاشىلىعى مينيسترلىگى اراسىنداعى اۋىل شارۋاشىلىعى سالاسىنداعى ىنتىماقتاستىقتى جانداندىرۋ جونىندەگى 2027-2028 -جىلدارعا ارنالعان جول كارتاسى؛
10. قازاقستان رەسپۋبليكاسى ونەركاسىپ جانە قۇرىلىس مينيسترلىگى مەن تاجىكستان رەسپۋبليكاسى ونەركاسىپ جانە جاڭا تەحنولوگيالار مينيسترلىگى اراسىنداعى ونەركاسىپ سالاسى بويىنشا ىنتىماقتاستىق تۋرالى مەموراندۋمدى ىسكە اسىرۋ جونىندەگى 2027 -جىلعا ارنالعان ءوزارا ءىس-قيمىل جوسپارى؛
11. قازاقستان رەسپۋبليكاسى مەملەكەتتىك قىزمەت ىستەرى اگەنتتىگى مەن تاجىكستان رەسپۋبليكاسى مەملەكەتتىك قارجىلىق باقىلاۋ جانە سىبايلاس جەمقورلىقپەن كۇرەس اگەنتتىگى اراسىنداعى ءوزارا تۇسىنىستىك تۋرالى مەموراندۋم؛
12. قازاقستان رەسپۋبليكاسى جاساندى ينتەللەكت جانە تسيفرلىق دامۋ مينيسترلىگى مەن تاجىكستان رەسپۋبليكاسى پرەزيدەنتى جانىنداعى يننوۆاتسيالار جانە سيفرلىق تەحنولوگيالار اگەنتتىگى اراسىنداعى جاساندى ينتەللەكت سالاسىنداعى ىنتىماقتاستىق پەن ءوزارا تۇسىنىستىك تۋرالى مەموراندۋم؛
13. قازاقستان رەسپۋبليكاسى ساۋدا جانە ينتەگراتسيا مينيسترلىگى مەن تاجىكستان رەسپۋبليكاسى پرەزيدەنتى جانىنداعى يننوۆاتسيالار جانە سيفرلىق تەحنولوگيالار اگەنتتىگى اراسىندا ەلەكتروندىق كوممەرتسيا جۇيەسىن دامىتۋ سالاسى بويىنشا ءوزارا تۇسىنىستىك تۋرالى مەموراندۋم؛
14. قازاقستان رەسپۋبليكاسى پرەزيدەنتى ءىس باسقارماسىنىڭ «قازاقستان رەسپۋبليكاسى پرەزيدەنتىنىڭ تەلەراديوكەشەنى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى مەن تاجىكستان رەسپۋبليكاسى ۇكىمەتى جانىنداعى تەلەۆيزيا جانە راديو كوميتەتى اراسىندا ءوزارا تۇسىنىستىك پەن ىنتىماقتاستىق تۋرالى مەموراندۋم.
ايتا كەتەيىك، 5-7 -قاراشا كۇندەرى مەملەكەت باسشىسىنىڭ شاقىرۋىمەن ەلىمىزگە تاجىكستان پرەزيدەنتى ەمومالي راحموننىڭ رەسمي ساپارى ءوتىپ جاتىر.
بۇعان دەيىن قاسىم-جومارت توقايەۆ قازاقستان تاجىكستاننىڭ ەڭ ءىرى ساۋدا سەرىكتەستەرىنىڭ ۇشتىگىنە ەنگەنىن ءمالىم ەتتى.
سونداي-اق قاسىم-جومارت توقايەۆ تاجىكستان پرەزيدەنتىن Qoja Ahmet Yasaui وردەنىمەن ماراپاتتادى.
اۆتورلار
ايجان سەرىكجان قىزى