Grammy نومينانتتارىنىڭ ءتىزىمى سىيلىقتىڭ رەسمي سايتىندا جاريالاندى.
ودان بولەك، يمانبەكتىڭ ءوزى دە Instagram ستوريسىندە وسى قۋانىشتى جاڭالىقتى ءبولىستى.
ايتا كەتەيىك، اتالعان رەميكسىمەن الەمدىك مۋزىكا چارتتارىندا قارا ءۇزىپ العا شىققان يمانبەك زەيكەنوۆ اتا-اناسىمەن بىرگە اقسۋ قالاسىندا تۇرادى. اكەسى - ءورت ءسوندىرۋشى، اناسى تۋريستىك اگەنتتىكتە جۇمىس ىستەيدى. ءوزىنىڭ ايتۋىنشا، ول ءان ارلەۋدى جەرگىلىكتى ديدجەيلەر مەن پروديۋسەرلەردەن جانە Youtube جەلىسىندەگى ۆيدەوساباقتان ۇيرەنگەن.
وتكەن جىلدىڭ جەلتوقسانىنا دەيىن ول جەرگىلىكتى تەمىر جول ستانساسىندا جۇمىس ىستەدى.
2019-جىلدىڭ جازىندا يمانبەك Saint Jhn اتتى رەپەردىڭ Roses اتتى ءانىن تاۋىپ، سوعان رەميكس جازۋدى قولعا الادى. بۇل كومپوزيتسيا ءۇش جىل بۇرىن شىعىپ قويعان بولاتىن. يمانبەك انگە رەميكس جازىپ، ونى الەۋمەتتىك جەلىگە جاريالادى. ارادا بىرنەشە اي وتكەندە ول پوپ جۇلدىزعا اينالدى.
ءتىپتى، امەريكانىڭ The New York Times گازەتىندە يمانبەك جايلى ماقالا دا جاريالاندى.
Grammy — ا ق ش ۇلتتىق ونەر جانە دىبىس جازۋ اكادەمياسىنىڭ جىل سايىن تابىستالاتىن سىيلىعى. جۇلدەگەر اكادەميا بەلسەندى مۇشەلەرىنىڭ داۋىس بەرۋ ناتيجەسى ارقىلى انىقتالادى.