فۋتزالدان 2026 -جىلعى ەۋروپا چەمپيوناتىنىڭ فينالدىق كەزەڭىن وتكىزۋگە وزگەرىستەر ەنگىزىلدى
استانا. KAZINFORM - فۋتزالدان 2026 -جىلعى ەۋروپا چەمپيوناتىنىڭ فينالدىق كەزەڭىن وتكىزۋ فورماتىنا رەسمي وزگەرىستەر ەنگىزىلدى.
قازاقستان فۋتبول فەدەراتسياسىنىڭ حابارلاۋىنشا، بۇل جونىندە UEFA اتقارۋشى كوميتەتى ارنايى شەشىم قابىلدادى.
بۇعان دەيىن ءتۋرنيردى بىرلەسىپ قابىلدايتىنى بەلگىلى بولعان لاتۆيا مەن ليتۆا ءوز مارتەبەسىن ساقتاپ قالدى. ال سلوۆەنيا ءۇشىنشى قابىلداۋشى ەل رەتىندە بەكىتىلدى.
قاتىسۋشى ەلدەر مەن ينفراقۇرىلىمدىق مۇمكىندىكتى جان-جاقتى ساراپتاعاننان كەيىن اتقارۋشى كوميتەت سلوۆەنيانى تاڭدادى. ليۋبليانا قالاسى 2018 -جىلعى ءتۋرنيردى جوعارى دەڭگەيدە وتكىزگەن ەدى. مول تاجىريبەسى جانە زاماناۋي ينفراقۇرىلىمىمەن ەرەكشەلەندى. سونداي-اق سلوۆەنيا فۋتبول قاۋىمداستىعى جوبانى تولىق قولدايتىنىن ءبىلدىردى.
جاڭا فورمات بويىنشا A توبىنىڭ ماتچتارى مەن ءبىر شيرەك فينال ريگادا (لاتۆيا) وتەدى. B توبى مەن ءبىر شيرەك فينال كاۋناستا (ليتۆا) بولادى. قۇرلىقتىق دودادا سلوۆەنيا 18 ويىندى قابىلدايدى. C جانە D توپتارىنىڭ ماتچتارى، ەكى شيرەك، جارتىلاي فينال، ءۇشىنشى ورىن ءۇشىن كەزەدسۋ مەن فينال «ارەنا ستوجيتسە» الاڭىندا بولادى. وعان قوسا ءۇشىنشى تۋرداعى ەكى توپتىق ويىن «تيۆولي ارەنا» كەشەنىندە قاتارىنان وتكىزىلەدى.
قازاقستان ۇلتتىق قۇراماسى ىرىكتەۋ كەزەڭىنىڭ پلەي-وففىنا قاتىسادى. وتپەلى ويىندارىنىڭ جەرەبەسى 3-شىلدە كۇنى وتەدى. پلەي- وفف ويىندارى 15-24 -قىركۇيەككە جوسپارلانعان.