جىل باسىنان بەرى 620 دان استام ادامنىڭ قازاقستان رەسپۋبليكاسى ازاماتتىعىنان شىققانى رەسمي تۇردە تىركەلدى. زاڭناما تالاپتارىن بۇزعان 38 ادام اكىمشىلىك جاۋاپكەرشىلىككە تارتىلدى. انىقتالعان دەرەكتەردىڭ نەگىزگى بولىگى كورشى مەملەكەتتەردىڭ ازاماتتىعىن قابىلداعان تۇلعالارعا تيەسىلى، — دەپ اتاپ ءوتتى ش ق و پ د كوشى-قون قىزمەتى باسقارماسىنىڭ باستىعى رينات شكيبايەۆ.
وسىنداي جاعدايلاردىڭ ءبىرى التاي اۋدانىنىڭ 21 تۇرعىنىنا قاتىستى انىقتالدى. ول باسقا مەملەكەتتىڭ ازاماتتىعىن العانىمەن، بۇل تۋرالى ۋاقتىلى قۇزىرەتتى ورگاندارعا حابارلاماعان. تەكسەرۋ بارىسىندا ونىڭ قۇجاتتارى تاركىلەنىپ، ازاماتتىقتىڭ جويىلعانى رەسمي تۇردە تىركەلدى. پوليتسيا وزگە مەملەكەتتىڭ ازاماتتىعىن العان جاعدايدا بۇل تۋرالى كوشى-قون قىزمەتى ورگاندارىنا ۋاقىتىلى حابارلاپ، قازاقستان رەسپۋبليكاسىنىڭ زاڭناما تالاپتارىن قاتاڭ ساقتاۋ قاجەتتىلىگى تۋرالى ەسكەرتەدى.