ديماش قۇدايبەرگەن نيۋ-يوركتەگى ايگىلى مەديسون سكۆەر گاردەن ساحناسىندا جەكە كونسەرت وتكىزەدى

استانا. قازاقپارات - 2025 -جىلدىڭ 5-قازانىندا ايگىلى Madison Square Garden ساحناسىندا العاش رەت ت م د ەلىنىڭ ونەرپازى جەكە كونسەرتىن وتكىزەدى.

ءار شىعارماسى نەوكلاسسيكالىق ستيلىمەن تانىمال قازاقستاندىق ءانشى ءارى كومپوزيتور، مۋلتي-اسپاپشى جانە پروديۋسەر ديماش قۇدايبەرگەن نيۋ-يوركتە «Stranger» اتتى الەمدىك تۋرىنىڭ ارنايى باعدارلاماسىن ۇسىنادى.

- 2025 -جىلدىڭ 5-قازانىندا نيۋ-يوركتە Madison Square Garden سارايىندا كەزدەسكەنشە، - دەپ جازدى ءانشى الەۋمەتتىك جەلىدەگى پاراقشاسىندا.

نيۋ-يوركتەگى ايگىلى Madison Square Garden ساحناسىندا اڭىزعا اينالعان ارتىستەر مەن توپتار ونەر كورسەتكەن. ولار: ەلۆيس پرەسلي، مايكل دجەكسون، ەلتون دجون، مادوننا، بەيونسە، دجاستين تيمبەرلەيك، لەدي گاگا، تەيلور سۆيفت، The Rolling Stones ،Led Zeppelin ،U2 ،Queen ،Metallica ،KISS جانە باسقا دا كوپتەگەن الەم جۇلدىزدارى.

ايتا كەتەيىك، ديماش لارا فابياننىڭ لوندونداعى كونسەرتىندە ارنايى قوناق رەتىندە ونەر كورسەتتى.

22-شىلدەدە قىرعىزستاننىڭ چولپون-اتا قالاسىنداعى دۇنيەجۇزىلىك كوشپەندىلەر ويىندارىنىڭ ورتالىق يپپودرومىندا «مەيكين ازيا» IV حالىقارالىق مۋزىكا فەستيۆالىنىڭ سالتاناتتى فينالى ءوتتى.

فەستيۆالدىڭ جابىلۋ سالتاناتىندا قىرعىز رەسپۋبليكاسى پرەزيدەنتى سادىر جاپاروۆتىڭ جارلىعىنا سايكەس، قازاقستاننىڭ حالىق ءارتىسى، ءانشى ءارى كومپوزيتور ديماش قۇدايبەرگەنگە «قىرعىز رەسپۋبليكاسىنىڭ حالىق ءارتىسى» قۇرمەتتى اتاعى بەرىلدى.