استانا. KAZINFORM - سەيسەنبى كۇنى دومينيكان رەسپۋبليكاسىنىڭ استاناسى سانتو-دومينگوداعى شاتىرى وپىرىلىپ تۇسكەن Jet Set تۇنگى كلۋبىنداعى وقىس وقيعادا قازا تاپقاندار سانى 184 كە جەتتى. بۇل تۋرالى جەرگىلىكتى بيلىك حابارلادى، دەپ جازادى Report.
دومينيكان رەسپۋبليكاسىنىڭ پرەزيدەنتى لۋيس ابينادەر 8-ساۋىردەن باستاپ قۇربانداردى ەسكە الۋ ءۇشىن ءۇش كۇندىك ۇلتتىق ازا تۇتۋ جاريالادى.
تۇنگى كلۋبتاعى وقيعا 8-ءساۋىر كۇنى تاڭەرتەڭ ەل استاناسى سانتو-دومينگوداعى Jet Set تۇنگى كلۋبىندا ءانشى رۋبي پەرەس ونەر كورسەتىپ جاتقان كەزدە بولعان. ءانشى كورەرمەندەرمەن بىرگە قۇلاعان شاتىردىڭ استىندا قالعان. ول قۇتقارىلعان. قازىرگى ۋاقىتتا ونىڭ جاعدايى تۇراقتى.
قۇتقارۋ جۇمىستارى ءالى دە جالعاسىپ جاتىر. اپاتتىڭ سەبەبى انىقتالىپ جاتىر.
ايتا كەتەيىك، بۇعان دەيىن دومينيكانداعى وقيعادا كوز جۇمعاندار سانى 100-گە جۋىقتاعانىن جازعان ەدىك.
اۆتور
جاراسقان نۇرىبايەۆ
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан