دۇنيەجۇزىلىك كوشپەندىلەر ويىندارىنا دايىندىق قالاي ءجۇرىپ جاتىر

 استانا. KAZINFORM -استانا قالاسىنىڭ اكىمى جەڭىس قاسىمبەك ەلوردادا وتەتىن كەزەكتى دۇنيەجۇزىلىك كوشپەندىلەر ويىندارىنا وراي اباتتاندىرۋ جانە كوگالداندىرۋ جۇمىستارى تۋرالى ايتتى.

«بەسىنشى دۇنيەجۇزىلىك كوشپەندىلەر ويىندارىنا دايىندىق اياسىندا كوكتەمدە جارىس وتەتىن ورىنداردى اباتتاندىرۋ جانە كوگالداندىرۋ جۇمىستارى جۇرگىزىلەدى. شىلدەدە دايىن بولادى دەپ جوسپارلاپ وتىرمىز. سونداي- اق، قوعامدىق كەڭىستىكتەردى، اتاپ ايتقاندا، «ەكسپو» اۋماعىنداعى ساياباق، قابانباي باتىر داڭعىلى (سىعاناق كوشەسىنەن «قازانات» يپپودرومىنا دەيىن) جانە د. قونايەۆ پەن دوستىق كوشەسىن ۇزارتۋدى جوسپارلاپ وتىرمىز»، - دەدى جەڭىس قاسىمبەك ۇكىمەت وتىرىسىندا.

قالا اكىمىنىڭ ايتۋىنشا، استانا اۋماعىن كوگالداندىرۋدىڭ تۇجىرىمداماسى ازىرلەندى. ول ەكى بولىكتەن تۇرادى: قوعامدىق كەڭىستىكتەردى دامىتۋ جانە كوگالداندىرۋ.

ەسكە سالا كەتسەك، V دۇنيەجۇزىلىك كوشپەندىلەر ويىندارى قازاقستاندا وتەدى.

ايتا كەتەيىك، استانادا 8-14-قىركۇيەك ارالىعىندا وتەتىن دۇنيەجۇزىلىك كوشپەندىلەر ويىندارىنا 100 دەن اسا ەلدىڭ سپورتشىلارى قاتىسادى.