ءوز-وزىنە قول جۇمساعان جاس ءوسپىرىمدەردىڭ تەلەفونىنان سۋيتسيدكە يتەرمەلەيتىن ويىندار تابىلعان جوق - ءى ءى م
استانا. KAZINFORM - الماتىدا ءوز-وزىنە قول جۇمساعان جاس ءوسپىرىمدەردىڭ تەلەفوندارىنان سۋيتسيدكە يتەرمەلەيتىن ويىندار تابىلعان جوق. بۇل تۋرالى ىشكى ىستەر مينيسترلىگىنەن ءمالىم ەتتى.
«الماتىدا سۋيتسيد جاساعان ەكى جاسوسپىرىمگە قاتىستى ولاردىڭ تەلەفوندارىنا تەكسەرۋ جۇرگىزىلگەنىن حابارلايمىز. سۋيتسيدكە يتەرمەلەيتىن ويىندارعا قاتىسۋ فاكتىسى انىقتالعان جوق. قازىرگى ۋاقىتتا وشىرىلگەن جازبالار مەن قوسىمشالاردى قالپىنا كەلتىرۋ ءۇشىن تەلەفوندارعا قوسىمشا زەرتتەۋ جۇرگىزىلىپ جاتىر»، - دەپ اتاپ ءوتتى ۆەدومستۆونىڭ باسپا ءسوز قىزمەتىنەن.
سونىمەن قاتار مينيسترلىك ەل ازاماتتارىنىڭ سۋيتسيدكە باعىتتالعان ينتەرنەت ويىندارعا قاتىسۋى دا انىقتالماعاندىعىن العا تارتادى.
بۇعان دەيىن الماتىدا ەكى جاس ءوسپىرىم قىز كوپقاباتتى ۇيدەن قۇلاپ، وقيعا ورنىندا قايتىس بولعانىن جازعان ەدىك.
اۆتور
مارلان جيەمباي