بۇگىن ۇكىمەتتىڭ كەڭەيتىلگەن وتىرىسىندا پرەمەر-ءمينيستردىڭ ورىنباسارى - جاساندى ينتەللەكت جانە سيفرلىق دامۋ ءمينيسترى جاسلان ماديەۆ اتقارىلعان جۇمىستار تۋرالى بايانداما جاساعان ەدى.
- KazLLM باعدارلاماسى ىسكە قوسىلدى دەپ ايتتىڭىز، ءبىراق مەنىڭ بىلۋىمشە بۇل باعدارلاماعا سۇرانىس ءالى تومەن. جۇرت Chat GPT گە جۇگىنەدى، KazLLM گە كوشكىسى كەلمەيدى. سوندىقتان KazLLM اينالاسىندا نە بولىپ جاتىر دەگەن سۇراق بار، - دەپ سۇراق قويدى مەملەكەت باسشىسى جاساندى ينتەللەكت مينيسترىنە.
ءوز جاۋابىندا مينيستر ەلدە ەكى ۇلكەن تىلدىك مودەلدەر بار ەكەنىن، ولار: KazLLM جانە AlemLLM. ولار قازىر 40 تان استام جۇيەگە ەنگىزىلدى. قازىرگى ۋاقىتتا وسى مودەلدەر نارىققا، it-كومپانيالارعا، ستارتاپتارعا، ستۋدەنتتەرگە، زەرتتەۋ ينستيتۋتتارىنا قولجەتىمدى. ءبىراق وسى مودەلدەردىڭ ساپاسىن ءاردايىم جاقسارتىپ وتىرۋ قاجەت. سوندىقتان حالىقارالىق دەڭگەيدەگى ساراپشىلارمەن بىرگە وسى جۇمىس جالعاسادى.
- بۇل سالادا ولقىلىقتار بارىن مويىندايسىز با؟، - دەپ ناقىتالدى پرەزيدەنت.
- بۇل مودەلدەردى ۇنەمى جاڭارتىپ وتىرۋ كەرەك. سەبەبى OpenAI سياقتى ءىرى كومپانيالار جاڭا نۇسقالار مەن مودەلدەرىن شىعارىپ، ولاردى جەتىلدىرىپ كەلەدى. سونىمەن قاتار، وسى وقىتۋ پروتسەستەرىنىڭ ۇزدىكسىزدىگىن قامتاماسىز ەتۋىمىز كەرەك، - دەپ جاۋاپ بەردى مينيستر.
پرەزيدەنت: قازىرگى تاڭدا قانشا ادام KazLLM پايدالانىپ وتىر؟
مينيستر: ءبىزدىڭ مالىمەت بويىنشا، وسى مودەلگە 600 مىڭنان استام سۇرانىس بولدى.
پرەزيدەنت: مىسالى Chat GPT دە قازاقستان بويىنشا قانشا ادام وتىر؟
مينيستر: قازاقستان بويىنشا حالىقتىڭ پايدالانادى.
پرەزيدەنت: مىسالى Aitu دەگەن ءوز مەسسەندجەرىمىزدى جاسادىق. وندا قانشا ادام بار؟
مينيستر: Aitu پلاتفورماسىنىڭ بۇگىنگى پايدالانۋشىلار سانى 700 مىڭنان اسىپ، ءبىر ميلليونعا جۋىقتادى.
- سيفرلىق ەل بولۋ - الدىمىزدا تۇرعان اسا اۋقىمدى مىندەت. اسىرەسە بيىل شەشۋشى جىل بولماق. سوندىقتان ۇكىمەتتىڭ وسى باعىتتا قولعا العان جوبالارى سيفرلاندىرۋ ىسىنە زور سەرپىن بەرۋگە ءتيىس، - دەپ تاپسىرما بەردى پرەزيدەنت.
ايتا كەتەيىك، مەملەكەت باسشىسى قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى ءوتىپ جاتىر. وندا ەلىمىزدىڭ 2025-جىلعى الەۋمەتتىك-ەكونوميكالىق دامۋى قورىتىندىلانىپ، الداعى كەزەڭگە ارنالعان نەگىزگى مىندەتتەر ايقىندالادى.
ايتا كەتەيىك، وسى ۋاقىتتا ۇكىمەتتىڭ كەڭەيتىلگەن وتىرىسى ءوتىپ جاتىر.