رەسمي دەرەككە سۇيەنسەك، 2024 -جىلدىڭ جەلتوقسانىندا ۇلتتىق قور اكتيۆتەرى 30,9 تريلليون تەڭگە بولىپ تۇرعان. 2025 -جىلدىڭ باسىندا قور ازايا باستادى: قاڭتاردا - 30,3 تريلليون، اقپاندا - 29,4 تريلليون، ناۋرىزدا - 29,2 تريلليون تەڭگە. وسىلايشا ۇلتتىق قور اكتيۆى ءۇش ايدىڭ ىشىندە شامامەن 1,7 تريلليون تەڭگە كەمىگەن.
ساۋىردە كورسەتكىش 29,7 تريلليون، مامىردا 30,5 تريلليون، ماۋسىمدا 31,3 تريلليون، شىلدەدە 32,7 تريلليون، تامىزدا 33,3 تريلليون تەڭگەگە جەتتى. قىركۇيەكتە قور 34,4 تريلليون تەڭگەگە دەيىن ءوسىپ، وسى كەزەڭدەگى ەڭ جوعارى دەڭگەيگە شىقتى. ناۋرىزداعى ەڭ تومەن نۇكتەمەن سالىستىرعاندا ءوسىم 5,2 تريلليون تەڭگە بولىپ شىقتى. الايدا كۇز ورتاسىندا قايتا تومەندەۋ بايقالدى. قازاندا 33,6 تريلليون، قاراشادا 32,6 تريلليون، جەلتوقساندا 32,3 تريلليون تەڭگە بولدى. ياعني ءۇش ايدا قور تاعى دا شامامەن 2,1 تريلليون تەڭگەگە ورتايعان.
2026 -جىلدىڭ باسىندا ءۇشىنشى وزگەرىس تىركەلدى. قاڭتاردا اكتيۆتەر 32,5 تريلليون، اقپاندا 32,6 تريلليون تەڭگەگە جەتتى. ءوسىم بار، ءبىراق كولەمى شاعىن - شامامەن 0,1 تريلليون تەڭگە.
وسىلايشا ءبىر جىلدىڭ ىشىندە ۇلتتىق قور ءۇش رەت بىردەي سسەناريدەن ءوتتى: الدىمەن ازايدى، كەيىن قالپىنا كەلدى، قايتادان تومەندەدى جانە تاعى دا ءوسىم كورسەتتى.
سوڭعى دەرەك بويىنشا، تەك ءبىر ايدىڭ ىشىندە قور 112 ميلليارد تەڭگەگە ۇلعايعان. ياعني، اقپاندا ۇلتتىق قور 100 ميلليارد تەڭگەدەن استام قاراجاتپەن تولىقتى.
بۇعان دەيىن اقپاندا ۇلتتىق قوردان 400 ميلليون ا ق ش دوللارى كولەمىندە ۆاليۋتا ساتىلعانىن جازعان ەدىك.