«ستاستيام» باسىلىمىنا بەرگەن سۇحباتىندا بارەسكي بۇل سىيلىقتىڭ ءازىل ەمەس، كەرىسىنشە، پراكتيكالىق ماڭىزى بار ەكەنىن ايتتى.
«وتكەن جىلى سۇيىكتىمە 8-ناۋرىزعا زيراتتان جەر تەلىمىن سىيلادىم، ويتكەنى مەن كاسىبي جەرلەۋ اگەنتتەرى وداعىنىڭ پرەزيدەنتىمىن جانە مۇنداي سىيلىقتى ۇسىنۋعا مۇمكىندىگىم بار. ارينە، باسىندا ول ماعان رەنجىدى، ءبىراق ازىلگە جاقىن ادام بولعاندىقتان، سىيلىقتى قابىلدادى»، - دەدى ول.
شوۋمەننىڭ ايتۋىنشا، ول مۇنداي سىيلىقتى جاساۋدى جەر تەلىمدەرىنىڭ باعاسى ۇنەمى ءوسىپ كەلە جاتقاندىقتان تاڭداعان.
«مەن وعان بۇل جاي عانا ءازىل ەمەس، بولاشاقتا پايدا اكەلەتىن ينۆەستيسيالىق سىيلىق ەكەنىن ءتۇسىندىردىم»، - دەپ قوستى بارەسكي.
بۇرىن ول ايەلدەرگە ءداستۇرلى سىيلىقتار، پارفيۋم سەكىلدى زاتتار سىيلاعانىن، ءبىراق سوڭعى ۋاقىتتا ەرەكشە ءارى ەستە قالارلىق سىيلىقتار تاڭداۋعا تىرىساتىنىن ايتتى.