باس پروكۋروردىڭ ورىنباسارى نىعماتۋليندەردىڭ ۇستىنەن قوزعالعان ىسكە قاتىستى تۇسىنىكتەمە بەردى
استانا. KAZINFORM - باس پروكۋروردىڭ ورىنباسارى عالىمجان قويگەلديەۆ نىعماتۋليندەردىڭ ۇستىنەن قوزعالعان ىسكە قاتىستى تۇسىنىكتەمە بەردى.
- نۇرجان نۇرلان ۇلى مەن ەرلان زايروللا ۇلىنا قاتىستى شاعىم ءتۇستى. قازىر ءبىز ونى قاراستىرىپ جاتىرمىز. قانداي دا ءبىر جايتتى ايتۋعا ءالى ەرتە، - دەدى ول سەناتتا ب ا ق وكىلدەرىنىڭ ساۋالىنا وراي.
ونىڭ اتاپ وتۋىنشە، پروكۋراتۋرا ورگاندارى ارعىن نىعماتۋليننىڭ ۇستىنەن قاراعاندى وبلىسىندا حوككەي كلۋبىنا بولىنگەن بيۋدجەت قاراجاتىن جىمقىرۋ فاكتىسى بويىنشا ءىس قوزعاعان.
- وعان حالىقارالىق ىزدەۋ جاريالانعان. تۇرعىلىقتى جەرىن انىقتاعاننان كەيىن ەكستراداتسيالاۋ ماسەلەسى قابىلدانادى، - دەدى باس پروكۋروردىڭ ورىنباسارى.
بۇعان دەيىن نۇرلان نىعماتۋليننىڭ تۋعان اعاسى ارعىن زايروللا ۇلىنا ىزدەۋ جاريالانعانىن حابارلاعان ەدىك.
كۇدىكتىنىڭ كىناسى انىقتالسا، جەتى جىلدان ون ەكى جىلعا دەيىن باس بوستاندىعىنان ايىرىلۋى مۇمكىن.
ال نۇرجان نۇرلانوۆتىڭ ۇستىنەن ق ر قىلمىستىق كودەكسىنىڭ 389-بابى بويىنشا تەرگەۋ ءجۇرىپ جاتىر.
اۆتور
مارلان جيەمباي