اڭگىمەلەسۋ بارىسىندا پرەزيدەنت قاسىم-جومارت توقايەۆ قوناقجايلىق تانىتقانى جانە ميۋنحەندە تەحنولوگيالىق فورۋم وتكىزۋگە قولداۋ كورسەتكەنى ءۇشىن حۋبەرت ايۆانگەرگە العىس ايتتى.
كەزدەسۋدە قازاقستان مەن باۆاريا كومپانيالارى اراسىنداعى تىكەلەي ىسكەرلىك بايلانىستى نىعايتۋ جانە تەحنولوگيالىق سەرىكتەستىكتى كەڭەيتۋ پەرسپەكتيۆاسى تالقىلاندى.
گەرمانيا ايماقتارىنىڭ اراسىندا باۆاريا قازاقستاننىڭ نەگىزگى ەكونوميكالىق سەرىكتەسى سانالاتىنى اتالىپ ءوتتى.
مەملەكەت باسشىسىنىڭ پىكىرىنشە، ساۋدا-ساتتىقتى ۇلعايتۋ، ينۆەستيتسيا تارتۋ جانە بىرلەسكەن جوبالاردى ىسكە اسىرۋ باعىتتارىندا الەۋەت جەتكىلىكتى.
حۋبەرت ايۆانگەر باۆاريا بيزنەسىنىڭ ءوزارا ءتيىمدى كووپەراتسيانى دامىتۋعا ايرىقشا قىزىعۋشىلىق تانىتاتىنىن جەتكىزدى. ونىڭ پىكىرىنشە، ەكى ەل ەكونوميكاسىنىڭ ءوزارا ۇيلەسىمدىلىگى - باۆاريا كومپانيالارى ءۇشىن ۇلكەن مۇمكىندىك.
قاسىم-جومارت توقايەۆ پەن حۋبەرت ايۆانگەر جوعارى تەحنولوگيا، ونەركاسىپ، ەنەرگەتيكا، يننوۆاتسيا جانە وڭىرلىك دامۋ سالالارىنداعى ىنتىماقتاستىققا باسا نازار اۋداردى.
سونىمەن قاتار قازاقستان مەن باۆاريا ىقپالداستىعىنىڭ مازمۇنىن ارتتىرۋعا نيەتتى ەكەنىن راستادى.