ازىق- تۇلىكتىڭ 11 تۇرىنە باعانىڭ ەڭ تومەنگى دەڭگەيى ەنگىزىلمەك - ساۋدا جانە ينتەگراتسيا مينيسترلىگى
استانا. KAZINFORM - ساۋدا جانە ينتەگراتسيا مينيسترلىگىنىڭ سايتىندا كۇنباعىس مايى، ۇن، تاۋىق جۇمىرتقاسى، اراق جانە ت. ب. 11 تاۋار تۇرىنە باعانىڭ ەڭ تومەنگى دەڭگەيىن ەنگىزۋ تۋرالى اقپاراتتى جاريالاندى. مۇنىڭ ءمانىن ۆەدومستۆودان ءتۇسىندىرىپ بەردى.
مينيسترلىكتىڭ مالىمەتىنشە، باعانىڭ ەڭ تومەنگى دەڭگەيى (ب ت د) تاۋارلاردىڭ كوتەرمە جانە بولشەك باعاسىنا اسەر ەتپەيدى. ب ت د يمپورت كەزىندە سالىقتاردى ەسەپتەۋ كەزىندە عانا قولدانىلادى. ب ت د - بۇل تاۋارلاردى يمپورتتاۋ كەزىندە ققس تولەۋدەن باس تارتۋعا جول بەرمەۋگە ارنالعان مەحانيزم.
- ب ت د يمپورتتاۋشى مالىمدەگەن باعا مەن جەرگىلىكتى وندىرۋشىلەردىڭ باعاسى اراسىنداعى ورتاشا ءمان رەتىندە ەسەپتەلەدى. بۇل ءمان تەك تاۋارلاردى يمپورتتاۋ كەزىندە ق ق س سوماسىن ەسەپتەۋ ءۇشىن قولدانىلادى. 2025 -جىلدىڭ 1-شىلدەسىدەن باستاپ بتد ەنگىزىلەتىن 11 تاۋاردىڭ تىزبەسى 2024 -جىلعى قازاندا بەكىتىلگەن جانە ب ت د قولدانۋ قاعيدالارىنا سايكەس توقسان سايىن جاڭارتىلىپ وتىرادى. توقسان سايىنعى جاڭارتۋ قاجەتتىلىگى كەيبىر تاۋارلار باعاسىنىڭ ماۋسىمدىلىعىنا جانە يمپورت باعاسىنىڭ قۇبىلمالىلىعىنا بايلانىستى، - دەپ ءتۇسىندىردى مينيسترلىكتەن.
ب ت د تەتىگى سالىق ورگاندارىنىڭ باستاماسى بويىنشا 2021 -جىلى قابىلداندى جانە 2022 -جىلدىڭ 1 -شىلدەسىدەن باستاپ قولدانىلىپ كەلەدى.
سالىق ورگاندارى تاۋارلاردى ەكسترەمالدى تومەن باعامەن اكەلۋ جاعدايلارىن تىركەگەن جاعدايلاردا بتد تەتىگىنە جۇگىنەدى. مىسالى، 2023 -جىلى نارىقتىق باعامەن تونناسىنا 120-140 مىڭ تەڭگەدەن بولعان جاعدايدا بيدايدى تونناسىنا 9 مىڭ تەڭگەدەن اكەلدى، 2024 -جىلى كۇنباعىس مايىن ورتاشا نارىقتىق باعاسى قازاقستاندا ليترىنە 814 تەڭگەدەن بولعاندا ليترىنە 275 تەڭگەدەن تومەن باعامەن اكەلدى، ال 2025 -جىلى المانىڭ نارىقتىق باعاسى ك گ ۇشىن 500 تەڭگە بولعاندا 9 تەڭگەدەن، شۇجىق - ك گ ۇشىن 695 تەڭگە (شامامەن 3,5 مىڭ تەڭگە) اكەلىندى. مۇنداي قۇن يمپورت كەزىندە تولەنۋى قاجەت ق ق س سومالارىنىڭ ايتارلىقتاي تومەندەۋىنە اكەلەدى.
ساۋدا جانە ينتەگراتسيا مينيسترلىگى باعانىڭ ەڭ تومەنگى دەڭگەيىنىڭ جاريالانعان ولشەمدەرى ءبىزدىڭ ەلدە ساتىلاتىن تاۋارلاردىڭ بولشەك نەمەسە كوتەرمە باعاسى ەمەس ەكەنىن تاعى دا اتاپ ءوتتى.
بۇعان دەيىن حابارلانعانداي، ساۋدا ۇستەمەسىن اسىرىپ قوسقان كاسىپكەرلەر جاۋاپكەرشىلىككە تارتىلدى.