تاشكەنت. KAZINFORM - وزبەكستاننىڭ جىزاق وبلىسىندا Nexia-2 اۆتوكولىگىنە ورناتىلعان گاز باللونى جارىلىپ، سالدارىنان كولىك ىشىندەگى 4 ادام وقيعا ورنىندا كوز جۇمدى. بۇل تۋرالى وبلىستىق جول قوزعالىسى قاۋىپسىزدىگى باسقارماسى حابارلادى.
سالدارىنان جەڭىل كولىكتىڭ جۇرگىزۋشىسى (1961 -جىلى تۋعان)، سونداي-اق سالونداعى تاعى ءۇش ادام: 1968 -جىلى تۋعان ازامات (جۇرگىزۋشىنىڭ جۇبايى)، 1993 جانە 2015 -جىلعى ازاماتتار وقيعا ورنىندا كوز جۇمدى.
حابارلاماعا سايكەس، كولىك تاشكەنت- تەرميز باعىتى بويىنشا كەلە جاتىپ، جانارماي قۇيۋ بەكەتىنە توقتاعان. سودان كەيىن ساعات 13:00 شاماسىندا كولىكتى باسقارىپ كەلە جاتقاندا جولدا گاز باللونى جارىلعان.
اۆتور
جاراسقان نۇرىبايەۆ
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан