بۇل تۋرالى توتەنشە جاعدايلار ۆيتسە-ءمينيسترى يبراگيم كۇلشىمبايەۆ ءمالىم ەتتى، دەپ حابارلايدى قازاقپارات ءتىلشىسى.
«تۇركيانىڭ ءزىلزالا بولعان ايماقتارىندا ىزدەستىرۋ- قۇتقارۋ جۇمىستارىنا قاتىسقان قازاقستاندىق ماماندارعا ارنايى سىياقى بەرىلە مە؟»، - دەپ سۇرادى ب ا ق وكىلى ورتالىق كوممۋنيكاتسيالار قىزمەتىندە وتكەن بريفينگىدە.
«بۇعان دەيىن مەملەكەت باسشىسى تۇركياعا بارعان قۇتقارۋشىلاردىڭ ءبارى ماراپاتتالاتىنىن ايتقانىن بىلەسىزدەر. بۇگىنگى تاڭدا توتەنشە جاعداي مينيسترلىگى قۇتقارۋ وپەراتسياسىنا قۇتقارۋشىلاردىڭ ءتىزىمى مەن بۇكىل قۇجاتتارىن پرەزيدەنت اكىمشىلىگىنە جولدادى.
ال اقشالاي سىياقى ءبولۋدى مينيسترلىك ءوز بيۋدجەتىنەن قاراستىرادى. بارىنە تولەنەدى»، - دەدى ۆيتسە-مينيستر.
سونداي-اق ول تۇركياداعى قازاقتاندىق قۇتقارۋشىلاردىڭ سوڭعى لەگىن ءوزى ەرتىپ ەلگە قايتقانىن ايتتى.
«18-اقپاندا ءبىرىنشى توپ، 19-اقپاندا ەكىنشى توپ ەلگە قاراي ۇشىپ شىقتى. سوڭعى توپتى مەن ءوزىم ەرتىپ شىقتىم. قازىر تۇركيادا قازاقستاندىق قۇتقارۋشىلار قالعان جوق»، - دەدى يبراگيم كۇلشىمبايەۆ.