بۇل تۋرالى وقۋ- اعارتۋ ءبىرىنشى ۆيتسە- ءمينيسترى شولپان كارينوۆا ءمالىم ەتتى، دەپ حابارلايدى قازاقپارات ءتىلشىسى.
«مەملەكەت باسشىسىنىڭ تاپسىرماسى بويىنشا كوللەدجدەرگە اكادەميالىق دەربەستىك بەرىلدى. ەڭبەك نارىعىنىڭ جىلدام دامۋىن ەسكەرسەك، اتالعان شارا ءبىلىم بەرۋ باعدارلامالارىنىڭ مازمۇنىن ۋاقتىلى جاڭارتۋعا مۇمكىندىك بەرەدى. وسىلايشا، ەلىمىزدىڭ كوللەدجدەرى جۇمىس بەرۋشىلەرمەن بىرلەسىپ ءبىلىم بەرۋ باعدارلامالارىنىڭ مازمۇنى مەن وقۋ مەرزىمىن دەربەس ايقىنداۋعا مۇمكىندىك الدى. بۇل ەڭبەك نارىعىنىڭ تالاپتارىنا سايكەس كەلەدى»، - دەدى شولپان كارينوۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، جۇمىسقا ورنالاسۋدا جاس ماماننىڭ داعدىلىق جانە بىلىكتىلىك دەڭگەيى ماڭىزدى.
«بولاشاقتا كوللەدج تۇلەكتەرىنە ديپلومعا قوسىمشا قۇجات رەتىندە قۇزىرەتتىلىك كارتاسى بەرىلەدى. اتالعان قوسىمشا قۇجات جاس تۇلەكتىڭ كاسىپتىك دايارلىعى جانە ماماندىعى بويىنشا ەڭبەك فۋنكسيالارىن ورىنداۋ دەڭگەيىن مەڭگەرۋىن كورسەتەدى»، - دەيدى ول.