تەمىر جول ۆوكزالدارىنىڭ انىقتاما قىزمەتىنە قوڭىراۋ شالۋ تەگىن بولادى

بۇل تۋرالى سەنات دەپۋتاتتارىنىڭ ساۋالىنا پرەمەر-مينيستر ءاليحان سمايىلوۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.

«1433» انىقتاما نومىرىنە قوڭىراۋ شالۋ قۇنى قالالىق نومىردەن مينۋتىنا 0 تەڭگەنى، ۇيالى تەلەفوننان مينۋتىنا 25 تەڭگەنى قۇرايدى. قازىرگى ۋاقىتتا كيلەنتكە باعدارلانۋدى ارتتىرۋ ماقساتىندا «انىقتاما قىزمەتىن» جەتىلدىرۋ جۇمىستارى جۇرگىزىلىپ جاتىر. ناقتىراق ايتقاندا، 2023 -جىلدان باستاپ «1433» انىقتاما نومىرىنە قوڭىراۋ شالۋ قالالىق جانە ۇيالى نومىردەن تەگىن بولادى»، - دەلىنگەن ۇكىمەت باسشىسىنىڭ جاۋابىندا.

سونىمەن قاتار پرەمەر-مينيستر تەمىر جول كولىگىمەن جۇك تاسىمالداۋعا ارنالعان 16 بولىمشە بار ەكەندىگىن، قوسىمشا سەمەي مەن پاۆلودار قالالارى باعىتتارىندا اشۋ ماسەلەسى پىسىقتالىپ جاتقانىن اتاپ وتەدى.

«2023 -جىلعى 1-قاڭتارداعى جاعدايعا سايكەس، «قازاقستان تەمىر جولى» ۇ ك» ا ق پاركىندە 17 مەنشىكتى جانە ۇيىمداردان جالعا الىنعان 4 جۇك ۆاگونى بار. جۇك ۆاگوندارى تاپشىلىعى ماسەلەسىن شەشۋ ماقساتىندا جولاۋشىلار ۆاگوندارىن جۇك ۆاگوندارىنا قايتا جابدىقتاۋ قاراستىرىلادى»، - دەدى ءاليحان سمايىلوۆ.