«ق ت ج- مەن قازىر ناقتى جۇمىس ىستەپ جاتىرمىز. ويتكەنى قازاقستان بويىنشا وسى تەمىرجولشىلار اراسىندا ماسەلە تۋىنداپ وتىر. باسشىلارىنىڭ كەلەسى جىلى جالاقىنى وسىرەتىن ويى بار. ءبىراق ونىڭ سوماسى قازىرگى تاريفكە بايلانىستى. ءبىر جاعىنان تاريفتى وزگەرتۋ بەلگىلەنىپ جاتىر. ول تاريفتى بەكىتسەك، جالاقىنىڭ ءوسىمى سوعان بايلانىستى بولادى. ءبىراق جالاقى كەلەسى جىلى مىندەتتى تۇردە وسەدى»، - دەدى ول ۇكىمەت وتىرىسىنان كەيىن وتكەن باسپا ءسوز ءماسليحاتىندا.
جۋرناليست مينيستردەن تەمىرجولشىلاردىڭ بۇل تالابىن قانشالىقتى ورىندى دەپ ەسەپتەيتىنىن سۇرادى.
«ول تۋرالى ايتۋ قيىن شىعار ەندى. ءبىز ۇكىمەت تاراپىنان قازاقستاندىقتار نەعۇرلىم كوبىرەك جالاقى السىن دەپ تىلەپ وتىرامىز. ءبىراق ءارقايسىسى شاماسىنا قاراي جۇك كوتەرەدى عوي. سول سەبەپتى تاريف تومەن بولسا، تابىس بولماسا، ق ت ج-نى دا تۇسىنۋگە بولادى. اقشا بولماسا، ونى قايدان الادى؟ سول سەبەپتى جاڭا يدەولوگيا ۇسىنىلىپ وتىر. ولار «بىزگە جاڭا تاريف بەرىڭدەرشى، جاڭا يدەولوگيامەن جۇمىس ىستەيىكشى، سوسىن جالاقىنى دا كوتەرەمىز» دەپ وتىر»، - دەدى قايىربەك وسكەنبايەۆ.