ەجەلگى ادامدار كوزدى جاننىڭ ايناسى ساناعان. ادامدى ونىڭ سوزدەرىنەن ەمەس، ونىڭ كوزدەرىنەن دە تۇسىنۋگە بولادى. كوزدىڭ ءتۇسى مەن ادامنىڭ مىنەزى اراسىندا ناقتى بايلانىس بار ما؟
كوگىلدىر كوز
كوگىلدىر كوزدى ادامدار شىعارماشىلىققا جاقىن، ەموتسيونالدى، قۇبىلمالى كەلەدى جانە تۇراقسىزدىققا بەيىم. مۇنداي كوزدى ادامدار ومىردەن ءلاززات الا بىلۋىمەن قاتار، مەلانحوليا مەن دەپرەسسياعا دا وڭاي تۇسەدى. سونداي-اق كوگىلدىر كوزدى ادامدار الداۋعا، يستەرياعا جانە اشۋلانۋعا بەيىم. ءبىراق ولار باعا جەتپەس سىيعا يە، ول - تابيعي تارتىمدىلىق.
سۇر كوز
پلانەتادا سۇر كوزدى ادامدار كوپ بولعانىنا قاراماستان، باسقا رەڭكتەردىڭ قوسپالارى جوق تازا سۇر كوزدەر وتە سيرەك كەزدەسەدى. ەگەر ءسىز وسى توپقا جاتساڭىز، ءسىزدى مىندەتتى تۇردە قۇتتىقتاۋعا بولادى. ءسىزدىڭ بويىڭىزعا ساقتىق، بايسالدىلىق، شىدامدىلىق جانە ەڭبەكقورلىق ءتان. ءسىز ءارقاشان سەنىم ارتۋعا بولاتىن ادامداردىڭ ءبىرىسىز. سونداي-اق وتباسىڭىزعا بەرىلگەنسىز جانە تاڭداعانىڭىزعا ادال بولىپ قالاسىز.
جاسىل كوز
جاسىل كوزدىڭ يەلەرى بيزنەستە شەشىم قابىلداۋعا مىقتى، قارىم-قاتىناستا شىنايى جانە تارتىمدى. مۇنداي ادامدار ءارقاشان جاناشىر كەلەدى. جاسىل كوزدى ادامدار پەرفەكتسيونيزمىمەن ەرەكشەلەنەدى، ولار شىعارماشىلىقپەن دە، كوشباسشىلىقپەن دە وڭاي اينالىسادى.
قوڭىر كوز
قوڭىر كوزدى ادامدار تۋرالى ايتۋعا بولاتىن ءبىرىنشى نارسە - ولار وتە كوپشىل، ءازىل-قالجىڭعا اۋەس جانە كوڭىل كوتەرۋدى جاقسى كورەدى. ءبىراق ولاردىڭ كەمشىلىكتەرى دە بار: ولار اشۋلانشاق جانە اشۋلانعاندا باسقالاردى رەنجىتۋگە بەيىم. قارىم-قاتىناستا ولار ۇستىرتتىك تانىتادى، كوبىنەسە كاپريزدى، قىڭىر، سوندىقتان ونى تولىق ءتۇسىنۋ قيىن. قوڭىر كوزدى ادامدار تەز عاشىق بولادى جانە تەز جالىققىش كەلەدى.
كوك كوز
تابيعاتتا كوك كوزدەر وتە سيرەك كەزدەسەدى. ولار كۇشتى مىنەزىمەن ەرەكشەلەنەدى - ولار ءارقاشان نە قالايتىنىن بىلەدى جانە وعان وڭاي قول جەتكىزەدى. كوك كوزدىڭ يەلەرى كەيدە ستاندارتتى ەمەس ويلاۋعا، يمپروۆيزاتسياعا بەيىمدىلىككە بايلانىستى جاقىندارىنا ەرەكشە بولىپ كورىنەدى. ولار ازداپ تاكاپپار كەلەدى.
قارا كوز
كومىر-قارا كوزدىڭ يەلەرى كوشباسشىلىق قاسيەتتەرگە يە. مۇنداي ادامدار نازاردا بولۋعا ۇيرەنگەن - ولار تارتىمدى، حاريزمالى، وتە كوڭىلدى. جاعىمسىز بەلگىلەردىڭ ىشىندە مىنالاردى ءبولىپ كورسەتۋگە بولادى: اشۋلانشاقتىق، اۆانتيۋريزمگە بەيىمدىلىك، قىڭىرلىق. قارا كوزدىڭ يەلەرى ءوز ماقساتتارىنا كەز- كەلگەن جولمەن جەتەدى - ەگەر ولار بىردەڭە قولعا السا، ولاردى توقتاتۋ مۇمكىن ەمەس.
سۇر-كوك كوز
سۇر-كوك كوزدەردىڭ يەلەرى تۋرالى «سكانديناۆيالىق» دەگەن ءسوز قولدانۋعا بولادى. ولار سۋىق تابيعاتتىڭ اسەرىن بەرەدى، كەز كەلگەن جاعدايدا ولار ادامي بەت-بەينەسىن ساقتاپ قانا قويماي، ءوزىن-ءوزى ۇستاۋعا تىرىسادى. بۇل ادامداردى ەشتەڭە رەنجىتە المايتىن سياقتى. ولار وتە مىقتى.
سۇر-جاسىل كوز
سۇر-جاسىل كوزدى ادامدار وزدەرىنە ماقسات قويۋدى، ولارعا جەتۋدى بىلەدى، ءبىراق سونىمەن بىرگە ولار وتە سەزىمتال جانە ەموتسيونالدى جانە كوبىنەسەاقىلمەن عانا ەمەس، جۇرەكتەرىمەن دە شەشىم قابىلدايدى. ولاردا ينتۋيتسيا مەن ەمپاتيا جاقسى دامىعان.
پسيحولوگ مامان ابدراحمانوۆا بوتاگوز بۇعان قاتىستى بىلاي دەيدى:
«ادامنىڭ مىنەزى كوزدىڭ قاراشىعىنىڭ تۇسىنە ەش بايلانىسسىز. كوزدىڭ ءتۇسى ول اتا-بابادان تۇقىم قۋالاۋ ارقىلى بەرىلەدى، سول سەكىلدى مىنەز دە كەيدە اتا- انادان بەرىلەدى. الايدا كوزدىڭ ءتۇسىنىڭ ەرەكشەلىگى ەشبىر مىنەزدى انىقتاي المايدى. ارينە، «فيزيوگنوميكا» عىلىمى دەگەن تۇسىنىك بار. ول ادامنىڭ بەت-الپەتىنىڭ ەرەكشەلىكتەرىنە سۇيەنە وتىرىپ، مىنەز-قۇلىق جانە باسقا دا تۇلعالىق قاسيەتتەرگە تالداۋ جاسايدى. ادام كوزىنىڭ ەڭ ەرەكشە بولىگى - قاراشىقتى قورشاپ تۇرعان كوزدىڭ ءتۇرلى- ءتۇستى بولىگى. ولار وسىعان باسا نازار اۋدارادى. ءبىراق، مۇنىڭ جالعان ءىلىم ەكەنى دە دالەلدەنىپ قويعان.»