بۇل تۋرالى پرەزيدەنت قاسىم-جومارت توقايەۆتىڭ قاتىسۋىمەن رەسپۋبليكا كۇنىنە وراي مەملەكەتتىك ناگرادالار مەن سىيلىقتار تاپسىرۋعا ارنالعان سالتاناتتى ءراسىم كەزىندە ايتتى، دەپ حابارلايدى قازاقپارات اقورداعا سىلەمە جاساپ.
«قازاقستان حالقىن ۇيىستىراتىن تاعى ءبىر سيمۆول - مەملەكەتتىك ءتىل. قازاق ءتىلى ماڭگىلىك مەملەكەتتىك ءتىل تۇعىرىندا بولادى. قازاق ءتىلىنىڭ قولدانىس اياسىن ارتتىرا بەرۋ - مەملەكەتتىڭ مىندەتى. بۇل جۇمىس توقتامايدى، جالعاسا بەرەدى. جاقىندا مەن «ءوز ءتىلىڭ - بىرلىك ءۇشىن، وزگە تىلدەر - تىرلىك ءۇشىن» دەپ ايتتىم. جاستارىمىز كوپ ءتىل بىلگەن سايىن باسەكەگە قابىلەتتى، بىلىكتى مامان بولادى. ءتىل، ۇلتارالىق قاتىناس - ىشكى تۇراقتىلىققا ىقپال ەتەتىن ءوزارا تىعىز ءارى ماڭىزدى فاكتورلار. سوندىقتان، مۇنداي ماڭىزدى ماسەلەلەردەن ساياسي قۇرال جاساۋعا بولمايدى. وسىنداي قوعامدىق تۇرعىدان سەزىمتال ماسەلەلەردى ساياسيلاندىرۋدىڭ كەسىرىنەن كەيبىر ەلدەر قاسىرەتتى جاعدايعا ۇشىرادى. بۇل - ءبىزدىڭ جول ەمەس»، - دەدى ق ر پرەزيدەنتى.