ولار «قازاقستان - رەسپۋبليكام مەنىڭ» ولەڭىن وقىپ، ەستافەتانى اتىراۋ قالاسىنىڭ سپورتشىلارىنا تاپسىردى، دەپ حابارلايدى قازاقپارات استانا قالالىق اكىمدىگىنىڭ رەسمي سايتىنا سىلتەمە جاساپ.
اكسيا ەلورداداعى مەملەكەتتىك رامىزدەر الاڭىندا باستالدى.
«مەملەكەت باسشىسى قاسىم-جومارت توقايەۆ زاڭعا وزگەرىستەر ەنگىزىپ، 25-قازاندى ۇلتتىق مەرەكە - رەسپۋبليكا كۇنى دەپ جاريالادى. ءبىز، استانا قالاسىنىڭ سپورتشىلارى، رەسپۋبليكا كۇنىن جاڭا ۇلتتىق مەرەكە رەتىندە اتاپ وتەمىز. وسىعان بايلانىستى، ءبىزدىڭ پاتريوتتىق اكسيامىزدى رەسپۋبليكا كۇنىنە ورايلاستىرۋ تۋرالى شەشىم قابىلداندى. بۇل چەللەندجدى اتىراۋ سپورتشىلارىنا تاپسىرامىز. اكسيا وتاندىق سپورتتى دامىتۋ ماقساتىندا وتكىزىلەدى. چەللەندج تىزبەك بويىنشا ەلىمىزدىڭ وزگە قالالارى مەن وڭىرلەرىنە ەستافەتا رەتىندە بەرىلەدى»، - دەدى وليمپيادا چەمپيونى، ق ر ۇلتتىق وليمپيادا كوميتەتى باس حاتشىسىنىڭ ورىنباسارى سەرىك ساپيەۆ.
استانا قالاسى دەنە شىنىقتىرۋ جانە سپورت باسقارماسى باسشىسىنىڭ ورىنباسارى ەركەعالي كوربوزوۆتىڭ ايتۋىنشا، ءىس-شارانىڭ باستى ماقساتى - پاتريوتتىق سەزىمدى نىعايتۋ، حالىقتىڭ بىرلىگىن سپورتتىق ارەنادا دا كورسەتۋ، ەلىمىزدىڭ وسى سالاداعى جەتىستىكتەرىن اتاپ ءوتۋ.
جەلىدەگى جەكە پاراقشادا #رەسپۋبليكاكۇنى، #دەنرەسپۋبليكي حەشتەگتەرىمەن بەينەروليكتەر جاريالاۋعا ارقىلى پاتريوتتىق اكتسياعا كەز كەلگەن ادام قوسىلا الادى.
«قىران ەلىم - قازاقستانىم!» پاتريوتتىق اكسياسى قازان ايىنىڭ سوڭىنا دەيىن جالعاسادى.