ۆيدەو جيناپ الۋ ءۇشىن وپەراتورلارعا باسىمدىق بەرىلەدى. ىشكە كىرۋگە مۇمكىندىك بولماعان سوڭ ءبىراز جۋرناليست قازىر شتاب پاتەردىڭ ماڭىنان وزىنە ىڭعايلى ورىن ىزدەپ، دايىندىقتارىن پىسىقتاۋدا. 20- قىركۇيەك كۇنى ءبىزدىڭ دە ۇيىم ىشىنە كىرۋىمىز ەكىتالاي. باعىمىزعا قاراي وسىنداعى قازاق ديپلوماتىنىڭ قوناعى رەتىندە ۇيىمنىڭ شتاب پاتەرىنە كۇن بۇرىن كىرۋگە مۇمكىندىك الدىق. ەڭ ءبىرىنشى ايگىلى زالعا الىپ باردى. مۇنداعى ەرەكشە اتموسفەرانى بىردەن سەزدىك. قوناق دەپ كىرگەن سوڭ قولدا كامەرا جوق. سوندىقتان زالدىڭ ءىشىن بارىنشا تەلەفونعا ءتۇسىرىپ الدىق.
- ب ۇ ۇ نەگىزگى ءماجىلىس زالى. ساناۋلى ساعاتتان كەيىن بۇل جەر 193 ەلدىڭ وكىلىن قابىلدايدى. قازاق تاراپىن باستاپ كەلەتىن قاسىم- جومارت توقايەۆ مىنا مىنبەردەن پرەزيدەنت رەتىندە ەكىنشى رەت ءسوز سويلەيدى. قازىر مۇندا سوڭعى دايىندىق جۇمىستارى ءجۇرىپ جاتىر. زالدا ءار دەلاگاتسيانىڭ ءوز ورنى بار. كىمنىڭ قايدا جايعاساتىنى سەسسيا سايىن لوتورەيامەن انىقتالادى. بيىل قاسىم- جومارت توقايەۆ باستاعان قازاق دەلەگاتسياسى ورتادا وتىرادى. 20- قىركۇيەك كۇنى دەبات باستالعاندا بۇل جەردە مۇلگىگەن تىنىشتىق ورنايدى. مىنبەردەن سويلەيتىن باسشىلاردىڭ بارلىق ءسوزى باعىلادى. ءار ءوڭىردىڭ ءوز ليدەرى بار.
ءبىر جىلدا ءبىر وتەتىن اۋقىمدى جيىنعا امەريكا، ەۋروپا، ازيا قۇرلىعىنىڭ، اراب تۇبەگىنىڭ وزىندىك ءىرى وكىلدەرى جينالسا، ورتالىق ازيادان كوشباسشى رەتىندە - قاسىم- جومارت توقايەۆ كەلەدى. ساياساتتاعى سالماقتى تۇلعالار نە ايتادى ەكەن دەپ ەل كۇتەدى. ال، قازاق باسشىسى حالىقارالىق دەڭگەيدەگى كاسىبي ديپلومات، سونىسىمەن دە گەوساياساتتىڭ تامىرىن ءدوپ باسادى. ءارى ءىرى قۇرىلىمنىڭ جۇمىسىمەن ەتەنە تانىس. كەزىندە بىرىككەن ۇلتتار ۇيىمىندا باس حاتشىنىڭ ورىنباسارى، ۇيىمنىڭ جەنيەۆاداعى بولىمشەسىنىڭ باس ديرەكتورى بولدى.
الەمنىڭ ساياسي ەليتاسى جينالاتىن بولعاندىقتان بۇگىننەن باستاپ شتاب پاتەردىڭ ماڭىندا ءجۇرىپ- تۇرۋ شەكتەلەدى. تەك رۇقسات قاعازى بارلار عانا وتە الادى. قازىر شاھار كوشەلەرىندە پوليتسەيلەر كوبەيگەن. قاۋىپسىزدىكتى قامتاماسىز ەتۋگە بارلىعى 50-گە تارتا قۇرىلىمدىق كۇش جۇمىلعان. دەلەگاتتاردىڭ اماندىعى جەردەن دە، اۋەدەن دە باقىلانادى.
بىلتىرعى سەسسيا COVID- تان كەيىنگى جاڭعىرۋعا ارنالعان ەدى. ءبىر جىلدا كۇن ءتارتىبى مۇلدەم وزگەرىپ كەتتى. بيىلعى سەسسيانىڭ باستى تاقىرىبى - ۋكرايناداعى قاقتىعىس. سوسىن كليماتتىڭ وزگەرۋى، الەمدىك ەكونوميكانىڭ قۇلدىراۋى، ينفلياتسيا، تاۋار تاسىمالىنىڭ بۇزىلۋى سىندى ماسەلەلەر دە ءسوز بولادى.
«جالپى گەوساياساتتا سوڭعى ۋاقىتتا بولىپ جاتقان وقيعا، شيەلەنىستەردى رەتتەي المادى» دەپ بىرىككەن ۇلتتار ۇيىمىن سىناعان ساراپشى، ساياساتكەرلەر بار. ەندەشە 77-سەسسيا سول سىنعا جاۋاپ بەرەتىن ءسات بولعالى تۇر. امبەباپ ۇيىمنىڭ كۇش- قۋاتىنا سەنەتىندەر جاڭا سەسسياعا ۇمىتپەن قاراپ وتىر.
اۆتورلارى: قورعان قونىسباي ۇلى، ەدىل ەرمەكبايەۆ، دۋلات ەنتەبەكوۆ
www.24.kz