اباي وبلىستىق ت ج د باسپا ءسوز قىزمەتىنىڭ مالىمەتىنە سۇيەنسەك، توتەنشە جاعدايلار ۆيتسە- ءمينيسترى مارات كۇلدىكوۆ جارما اۋدانىنداعى دالا ورتىمەن كۇرەس بارىسىندا كۇيىپ قالعان ءورت سوندىرۋشىلەرگە ارنايى بارعان.
- ۆيتسە- مينيستر مەن وبلىستىق ت ج د باستىعى ماناربەك شاپاعاتوۆ ءبىرىنشى سەمەي قالاسىنداعى جەدەل مەديتسينالىق جاردەم اۋرۋحاناسىندا جاتقان امانگەلدى تۇرلىبەكوۆتىڭ جاعدايىمەن تانىستى. قىزمەتىنە ادالدىق تانىتقان ءورت سوندىرۋشىگە Ⅲ دارەجەلى «ايبىن» وردەنى تابىستالدى، - دەلىنگەن اقپاراتتا.
سودان كەيىن ولار جارما اۋدانى شار قالالىق اۋرۋحاناسىنا بارىپ، دەنەسىن ءار ءتۇرلى دارەجەدە كۇيىك شالعان 22-ءورت ءسوندىرۋ بەكەتىنىڭ قۇتقارۋشىسى نۇرلان ءسالىمجاننىڭ جاعدايىن ءبىلىپ قايتتى.
وعان «ەرلىگى ءۇشىن» مەدالى بەرىلدى. قازىرگى ۋاقىتتا ەكەۋى دە دارىگەرلەردىڭ تۇراقتى باقىلاۋىندا.
ەسكە سالساق، وسىعان دەيىن اباي وبلىسىندا جالىن شارپىعان اۋماق 5000 گەكتارعا جەتكەنىن حابارلاعان بولاتىنبىز.
اباي وبلىسىنىڭ جارما اۋدانىندا 3 ءورت ءسوندىرۋشىنى كۇيىك شالىپ، ونىڭ ءبىرى كوز جۇمعان ەدى.
ءورت سوندىرۋشىلەردىڭ ءبىرىنىڭ جاعدايى اۋىر بولاتىن.
وڭىردەگى دالا ورتتەرى 9-قىركۇيەك كۇنى تاڭەرتەڭ وقشاۋلانىپ، سول كۇنى تولىقتاي سوندىرىلگەن.