پرەمەر- مينيستر ق ر پرەزيدەنتى ءوڭىر باسشىلىعىنىڭ الدىنا ازاماتتاردىڭ ءال-اۋقاتىن ارتتىرۋ، ءتۋريزمدى، اگروونەركاسىپ كەشەنىن جانە باسقا دا سالالاردى دامىتۋ بويىنشا مىندەتتەر قويعانىن اتاپ ءوتتى.
بۇل تۋرالى قازاقپارات ۇكىمەتتىڭ رەسمي سايتىنا سىلتەمە جاساپ حابارلايدى.
ونداعى مالىمەتتەرگە قاراعاندا، ماسەلەن، تۇركىستان وبلىسىن دامىتۋدىڭ 2025 -جىلعا دەيىنگى كەشەندى جوسپارى اياسىندا ءبىرقاتار ماڭىزدى جوبالاردى ىسكە اسىرۋ كوزدەلگەن، ونىڭ ىشىندە جاڭا ءونىم شىعارۋ، جولداردى جاڭعىرتۋ، تۇراقتى جۇمىس ورىندارىن قۇرۋ جانە جالپى ازاماتتاردىڭ ءومىر ءسۇرۋ ساپاسىن جاقسارتۋ بويىنشا جابالار بار.
«ءوڭىر باسشىلىعى ەكونوميكانى بارىنشا ءارتاراپتاندىرۋ بويىنشا جۇمىستى جانداندىرۋى قاجەت. تۇرعىنداردى جۇمىسپەن قامتىپ، ازىق- تۇلىك ونىمدەرى باعاسىنىڭ ءوسۋىن تەجەۋ، حالىقتى گازبەن جانە سۋمەن جابدىقتاۋ، سونداي-اق مەكتەپتەگى ورىن جەتىسپەۋشىلىگىن جويۋ ماسەلەلەرىنە ءبىرىنشى كەزەكتە نازار اۋدارۋ قاجەت»، - دەدى پرەمەر- مينيستر.
بۇل ورايدا ۇكىمەت باسشىسى وبلىس اكىمدىگىنىڭ جۇمىسى حالىقپەن ءتيىمدى ديالوگ نەگىزىندە قۇرىلۋى ءتيىس ەكەنىنە نازار اۋداردى.
ءاليحان سمايىلوۆ قازىرگى ۋاقىتتا تۋريزمنىڭ وبلىس ەكونوميكاسىنىڭ نەگىزگى سالالارىنىڭ ءبىرى ەكەنىن، سوندىقتان وتاندىق جانە شەتەلدىك تۋريستەر ءۇشىن قولايلى جاعداي جاساۋ جونىندەگى جۇمىستى جالعاستىرۋ قاجەتتىگىن اتاپ ءوتتى.
پرەمەر-مينيستر ءومىرزاق شوكەيەۆكە ماڭىزدى حالىقارالىق، ساياسي جانە مادەني وقيعالار بولىپ تۇراتىن ەڭ ادەمى وبلىس ورتالىقتارىنىڭ بىرىنە اينالعان تۇركىستان قالاسىنىڭ جانە ءوڭىردىڭ دامۋىنا قوسقان زور ۇلەسى ءۇشىن العىس ايتتى.