«مەملەكەت باسشىسىنىڭ جارلىعىمەن ءومىرزاق ەستاي ۇلى شوكەيەۆ تۇركىستان وبلىسىنىڭ اكىمى لاۋازىمىنان بوساتىلدى» دەلىنگەن حابارلامادا.
بۇعان دەيىن بۇل لاۋازىمعا دارحان ساتىبالدى تاعايىندالعانىن حابارلاعان ەدىك.
تۇركىستان وبلىستىق ءماسليحات سەسسياسىندا بۇل قىزمەتكە قوس بىردەي كانديدات ۇسىنىلدى. ونىڭ ءبىرى قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى دارحان ساتىبالدى، ەكىنشىسى سايرام اۋدانىنىڭ اكىمى ۇلاسبەك سادىبەكوۆ بولدى.
ءومىرزاق شوكەيەۆ 2019 -جىلدىڭ 26-اقپانىنان بەرى تۇركىستان وبلىسىنىڭ اكىمى قىزمەتىن اتقارىپ كەلدى. ال، بيىلعى جىلدىڭ 24-تامىزىندا وتستاۆكاعا ءوتىنىش بەردى. وعان باستى سەبەپ، 23-اقپاندا كەنتاۋ قالاسىنىڭ اكىمى اسا ءىرى كولەمدە پارا الدى دەگەن كۇدىككە ءىلىنىپ، 10 جىلعا سوتتالۋى بولدى.