كەيىنگى زەرتتەۋلەرگە سايكەس، ءبىز قورشاعان ورتاعا اسەرىمىزدى تولىعىمەن توقتاتا الساق تا، كليماتتىڭ وزگەرۋ پروتسەسىن توقتاتا المايمىز.
سونىمەن، بۇل فاكت جەر بەتىندە ادامزاتتىڭ تولىق جويىلۋ قاۋپى بار دەگەندى بىلدىرە مە؟ ولاي بولسا، جەر پلانەتاسىندا قانداي تىرشىلىك يەلەرى ءومىر سۇرە الادى؟
ادامزات جاھاندىق جىلىنۋدان امان وتە الا ما؟
كەيىنگى رەسمي ستاتيستيكاعا سايكەس، قازىرگى ۋاقىتتا ءاربىر ءتورتىنشى تىرشىلىك يەسى جويىلۋ قاۋپىمەن ءومىر سۇرەدى. بۇل نەگىزىنەن دۇنيەجۇزىلىك مۇحيت دەڭگەيىنىڭ وزگەرۋىنە، ەكسترەمالدى اۋا رايى جاعدايلارىنىڭ ورىن الۋىنا جانە پلانەتامىزداعى جالپى تەمپەراتۋرانىڭ جوعارىلاۋىنا بايلانىستى.
مۇنداي وزگەرىستەرگە تەز بەيىمدەلۋ ءۇشىن ءتىرى اعزالار كوبىرەك ۇرپاق قالدىرۋعا ءماجبۇر. مىسالى، پاندالار ءبىرىنشى بولىپ جويىلۋى مۇمكىن.
قانداي جانۋارلار مەن وسىمدىكتەر جاھاندىق جىلىنۋدان امان قالادى؟
جوعارىدا ايتىلعانداي، ءجيى كوبەيۋگە قابىلەتتى تىرشىلىك يەلەرى بارعان سايىن جاعدايى قيىنداپ بارا جاتقان پلانەتامىزدا امان قالۋ مۇمكىندىگى جوعارى. سونىمەن قاتار، ولاردىڭ بەيىمدەلۋ قابىلەتىنە بايلانىستى بولادى.
باۋىرمەن جورعالاۋشىلار مەن قوسمەكەندىلەر سياقتى تىرشىلىك يەلەرى وزگەرمەلى جاعدايلارعا از بەيىمدەلەدى. مۇنداي جاراتىلىستار وزدەرىنىڭ دەنە تەمپەراتۋراسىن رەتتەي المايتىندىقتان، ولار جويىلادى.
باۋىرىمەن جورعالاۋشىلارعا دا وڭاي بولمايدى
تروپيكالىق ورمانداردا ەمەس، نەگىزىنەن ءشولدى ايماقتاردا كەزدەسەتىن ىستىققا جانە قۇرعاقشىلىققا ءتوزىمدى وسىمدىكتەردىڭ امان قالۋ ىقتيمالدىعى جوعارى.
تۇقىمدارى جاندىكتەر ەمەس، جەل مەن مۇحيت اعىستارى ارقىلى تارالاتىن وسىمدىكتەر دە ءومىر سۇرە الادى.
جاھاندىق جىلىنۋدىڭ اسەرىنەن امان قالاتىن وسىمدىكتەردىڭ ءبىرى كاكتۋستار بولۋى مۇمكىن.
تاراقاندارعا جاھاندىق جىلىنۋ اسەر ەتپەيدى
بۇرىن بىرنەشە رەت بولعان كليماتتىڭ وزگەرۋى ناتيجەسىندە پلانەتامىز تىرشىلىك يەلەرى جاپپاي قىرىلعان.
قازىرگى جان- جانۋارلاردىڭ كوپشىلىگى جاھاندىق جىلىنۋ قاۋپىنە ۇشىراعانىمەن، تاريح قوسمەكەندىلەردىڭ بىرنەشە جويىلۋ كەزەڭىنەن امان قالعانىن كورسەتەدى. مىسالى، ونداعان ميلليون جىل بۇرىن اۋسترالياداعى قۇرعاقشىلىققا تاراقاندار وڭاي بەيىمدەلگەن.
سۋ باقالارى دا تىرشىلىگىن ساقتايدى. ءتۇرلى تاعامداردى جەيتىن ەگەۋقۇيرىقتار مەن قۇمىرسقالار سياقتى قورەكتىك جانۋارلارعا جاھاندىق جىلىنۋ قاۋپى از.
جاھاندىق جىلىنۋ تاعى قانداي جانۋارلارعا اسەر ەتپەيدى؟
جەر پلانەتاسىنىڭ تاريحىندا وتە كەڭ اۋقىمدا اپات بولعانىمەن، ونى بايقاماي مۇلدە ءوتىپ كەتەتىن كەيبىر تىرشىلىك يەلەرى دە بار. مۇحيتتىڭ تەرەڭىندە تىرشىلىك ەتەتىندەر سۋدىڭ قالىڭ قاباتىنىڭ اسەرىنەن وزگەرىستەردى بايقامايدى.
سان- فرانسيسكو مەملەكەتتىك ۋنيۆەرسيتەتىنىڭ ەكولوگى جانە فيزيولوگى دجوناتان ستيلمان مۇحيت تۇبىندە ءومىر سۇرەتىن تىرشىلىك يەلەرى پلانەتامىزدىڭ بەتىمەن مۇلدەم بايلانىسى جوق دەپ ەسەپتەيدى. ولار ءتىپتى جىلۋدى كۇننەن ەمەس، جەردىڭ وزەگىنەن الادى. ولار تەك انتروپوگەندىك دەسترۋكتيۆتى اسەرلەردەن عانا ەمەس، جاھاندىق اپاتتاردان دا تولىق قورعالعان.
massaget.kz