***
1. قانت تۋرالى العاشقى شەجىرە ءبىزدىڭ داۋىرىمىزگە دەيىنگى ءىv عاسىرعا جاتادى. سودان كەيىن ءۇندىستانعا جورىعىندا ەسكەندىر زۇلقارنايىنمەن بىرگە بولعان گرەك تاريحشىسى ونەسيكريت وسى ۋاقىتقا دەيىن بەلگىسىز بولعان بۇل ءونىمدى مۇقيات زەرتتەگەن.
2. قانتتىڭ وتانى - ءۇندىستان. ول ساكحارون (σάκχαρον ) دەگەن اتپەن تانىمال بولعان.
3. قانت قامىسى پلانتاتسيالارى 10 مىڭ جىل بۇرىن پولينەزيادا، 8 مىڭ جىل بۇرىن ءۇندىستاندا بولعان. سوندىقتان «قانت» ءسوزىنىڭ ەجەلگى ءۇندى تىلىنەن شىققانى تاڭقالارلىق ەمەس.
4. ب. ز. ب Ⅶعاسىردا پارسىلار قامىستان قانت الۋدى ۇيرەندى.
5. ەۋروپادا قانت ريمدىكتەر كەزىندە كەلدى. قوڭىر قانت داندەرى قانت قامىسى شىرىنىنان دايىندالىپ، ەۋروپاعا ءۇندىستاننان اكەلىندى. قانت قامىسى كەيىنىرەك سيتسيليا مەن يسپانيانىڭ وڭتۇستىگىندە پايدا بولدى، ءبىراق بۇل ءداستۇر ريم يمپەرياسىنىڭ قۇلاۋىمەن جويىلدى.
6. 1493 -جىلى كولۋمب قانت قامىسىن كانار ارالدارىنان سانتو- دومينگوعا (گايتي) اكەلدى، سول كەزدەن باستاپ ۆەست- ينديا مەن ورتالىق امەريكادا ونى ءوسىرۋ قارقىندى دامي باستادى، ال كولونيالاردان قانت يمپورتى وعان دەگەن جالپى قاجەتتىلىكتى وتەي باستادى. ەۋروپادا ХVІ عاسىردان باستاپ قانت وڭدەۋ زاۋىتتارى ونى تازارتاتىن بولدى.
7. الەمدەگى قانت زاۋىتى العاش رەت پولشادا 1801 -جىلى اشىلدى.
8. 1828 -جىلى فرانتيادا جىلىنا 5 مىڭ تونناعا دەيىن قانت وندىرەتىن 103 زاۋىت جۇمىس ىستەدى. فرانتسيادا جاسالعان تەحنولوگيا كەيىن گەرمانياعا جانە باسقا ەۋروپا ەلدەرىنە تارادى.
9. جىل سايىن جەر بەتىندە ورتا ەسەپپەن شامامەن 110000000 توننا قانت وندىرىلەدى.
10. ءبىر رەت قولدانىلاتىن قانت پاكەتتەرىن نيۋ- يوركتەگى ءدامحانا يەسى بەندجامين ەيزەنشتادت ويلاپ تاپقان.
11. ورتاعاسىرلىق ەۋروپادا قانت ءدارى بولدى جانە ءدارىحانالاردا ساتىلدى.
12. ورتا عاسىردا قانت قىمبات جانە تابۋ قيىن ءونىم بولدى. وعان وتە باي ادامدار عانا قول جەتكىزە الاتىن.
13. قانت تاعامنىڭ بۇزىلۋىن باياۋلاتادى، ويتكەنى ول تۇز سياقتى تابيعي كونسەرۆانت.
14. استرونومدار جەردەن كوپتەگەن جارىق جىلىنداعى عارىشتىق شاڭنىڭ جۇلدىزارالىق كوللەكتسيالارىنان قانتتىڭ ءبىر ءتۇرى گليكولالدەگيدتى تاپقان.
15. قانتتى تەمەكى بۇيىمدارىن، پلاستماسسالاردى، فارماتسيەۆتيكا ونەركاسىبىن جانە باسقالارىن وندىرۋدە دە قولدانادى.
16. بارلىق وسىمدىكتەردىڭ ىشىندە قانتقا ەڭ بايى - قۇرما. ورتاشا العاندا، بۇل جەمىستىڭ شامامەن 33 پايىزىن قانت قۇرايدى.
17. دۇنيە جۇزىندە قانت قىزىلشاسىنان گورى قانت قامىسىنان كوبىرەك قانت وندىرىلەدى.
18. قىزىلشا قانتىنا قاراعاندا قامىس قانتىنىڭ اعزادا قورىتىلۋى وڭاي.
19. ياكوۆ كريستوف راد ⅩⅨ عاسىردىڭ ورتاسىندا چەحيادا قانتتى كىشكەنتەي ءتورتبۇرىشتى ەتىپ ءوندىرۋدى جولعا قويدى. سەبەبى، بۇرىن قانتتى وتە ۇلكەن (كولەمى ادامنىڭ باسىنداي) ەتىپ وندىرەتىن بولعان. ءبىر كۇنى ياكوۆتىڭ ايەلى قانتتىڭ شەتىنەن سىندىرىپ الىپ جاتىپ، قولىن جارالاپ العان. سوندىقتان ونەرتاپقىش قانتتى كىشكەنتاي ءتورتبۇرىش ەتىپ ءوندىرىپ، ونى ايەلىنە اكەپ بەرگەن ەكەن.
20. برازيليا جان باسىنا شاققانداعى قانتتى تۇتىنۋ بويىنشا الەمدە ءبىرىنشى ورىندا.
21. قانتتى اسىرا پايدالانۋ اعزاداعى ينسۋلين دەڭگەيىنىڭ جوعارىلاۋىنا اكەلەدى، بۇل ءوز كەزەگىندە قانت ديابەتىنە نەمەسە قاتەرلى ىسىككە اكەلۋى مۇمكىن.
22. كەيبىر زەرتتەۋلەر قانتتى شامادان تىس تۇتىنۋعا بەيىمدىلىك تۇقىم قۋالايتىنىن كورسەتەدى.
23. الەمدە قانتتى تۇتىنۋدىڭ ورتاشا دەڭگەيى باياۋ، ءبىراق سەنىمدى تۇردە ءوسىپ كەلەدى، ويتكەنى ول كوپتەگەن ونىمدەرگە كىرەدى.
24. اعزاعا تۇسكەننەن كەيىن قانت گليۋكوزا مەن فرۋكتوزاعا ىدىرايدى، سوندىقتان ونىڭ ەنەرگەتيكالىق قۇندىلىعى وتە جوعارى. ادام اعزاسى بارلىق ەنەرگيانىڭ جارتىسىن گليۋكوزادان الادى.
25. ورتاشا ادام جىلىنا شامامەن 40 ك گ قانت جەيدى، ول دەسەرتتەردە، تاعامداردا جانە باسقا دا ءتاتتى ونىمدەردە كەزدەسەدى.
massaget.kz