قىستا بۇل پروبلەما ءبىر ميلليوننان اسا ۇيدە سەزىلۋى مۇمكىن. بۇل جاعدايدىڭ الدىن الۋ ءۇشىن بيلىك تۇرعىنداردى قازىردەن باستاپ ۇنەمۋدەۋ شارالارىن قولعا الۋعا شاقىردى.
سوڭعى رەت مۇنداي نۇسقاۋ 2011 -جىلى بەرىلگەن. ول كەزدە «فۋكۋسيما-1» اتوم ەلەكتر ستانساسىنداعى اپاتتان كەيىن توتەنشە جاعداي جاريالانىپ، بۇل ءتارتىپ 2015 -جىلعا دەيىن جالعاسقان. اراعا ءبىراز جىل سالىپ، جاعدايدىڭ قايتا ۋشىعۋىنا كەيىنگى ۋاقىتتا ەسكى جىلۋ ستانسيالارى جۇمىسىنىڭ توقتاتىلۋى سەبەپ. ال اتوم ەلەكتر ستانسياسىن قايتا ىسكە قوسۋ جۇمىستارى باياۋ ءجۇرىپ جاتىر. سەبەبى جەرگىلىكتى بيلىكتىڭ ەنەرگەتيكالىق كومپانيالاردىڭ قىزمەتىنە رۇقسات بەرمەيتىن جايتتار بار.
ەندى ەلەكتر ەنەرگياسىن ۇنەمدەۋ ءۇشىن ءىرى كاسىپورىنداردىڭ جۇمىسى شەكتەلۋى مۇمكىن. ال تۇرعىندارعا سالقىنداتقىش كونديتسيونەرلەردى اقىلعا سالىپ پايدالانۋعا كەڭەس بەرىلدى.
فرانسۋز بيلىگى دە تۇرعىندارعا كونديتسيونەرلەردى قولدانۋدى شەكتەۋگە شاقىردى. نەگىزى مۇندا 2030 -جىلعا دەيىن ەلەكتر ەنەرگياسىن تۇتىنۋ مولشەرىن 40 پروتسەنتكە ازايتۋ جوسپارى بار. كەيىنگى ۋاقىتتا ەۋروپانىڭ باسقا ەلدەرى ءتارىزدى فرانسيادا ەلەكتر ەنەرگياسى قىمباتتادى. وعان ۋكرايناداعى شيەلەنىس سەبەپ. قارۋلى قاقتىعىس سالدارىنان الەمدە قۋات كوزدەرىنىڭ باعاسى كۇرت ءوسىپ كەتكەن.
www.24.kz