«بۇگىنگى شيەلەنىستى حالىقارالىق جاعداي وتاندىق بيزنەس وكىلدەرىنىڭ مۇددەسىنە كەرى اسەر ەتۋدە. شيەلەنىس ايماعىندا قازاقستاندىق كاسىپكەرلەرگە تيەسىلى 1007 جۇك ۆاگونى تۇرىپ قالعان، 680 جۇك ۆاگونى شيەلەنىس ايماعىنا جەتپەي توقتاتىلعان. ترانزيت قۇنى ەكى ەسەگە ءوسىپ كەتكەن. لوگيستيكانىڭ بۇزىلۋىنا بايلانىستى ەۋروپادان ەلىمىزگە كەلەتىن تۇقىم، تىڭايتقىش، وسىمدىكتەردى قورعاۋ قۇرالدارىن جەتكىزۋ قيىنداپ كەتكەن. كوكتەمگى ەگىستىك جۇمىستارىنا تۇتىنۋعا قاجەتتى اۋقىمنىڭ 50 پايىزى عانا جەتكىزىلەدى دەگەن بولجاۋ جاسالۋدا. ال، يمپورتتان كەلەتىن وسىمدىكتى قورعاۋ قۇرالدارى ەگىستىككە قاجەت دەڭگەيدىڭ 90 پايىزىن قۇرايدى. وتاندىق بيزنەس وكىلدەرى جۇزدەگەن ميلليون تەڭگە شىعىنعا ۇشىراۋدا. ۇكىمەت قيمىلداپ جاتىر، ءبىراق مىنا زاماندا وتە شيراق بولۋ ماڭىزدى»، - دەدى ە. سايروۆ ۇكىمەت باسشىسى ءاليحان سمايىلوۆتىڭ اتىنا جولداعان ساۋالىندا.
وسى ورايدا ول ەلىمىزدىڭ بيزنەسى كوپتەگەن حالىقارالىق ساۋدا برەندىلەرمەن رەسەي ارقىلى جۇمىس ىستەگەنىن اتاپ ءوتتى.
«ول برەندىلەر كورشىمىزدەن جاپپاي شىعىپ جاتىر. مۇناي تاسىمالداۋدىڭ دا پروبلەماسى قىلتيىپ تۇر. نەگە ۇكىمەت كەزىندە مۇناي تاسىمالى، ساۋدا برەندتەرىنىڭ بالاما لوگيستيكاسىن ويلاستىرماعان؟ ! رەسەي ءرۋبلىنىڭ تەز بوساڭسۋى ءبىزدىڭ ەلىمىزگە كورشىمىزدەن ازىق- تۇلىكتىڭ يمپورتىنىڭ ەسەلەپ وسۋىنە الىپ كەلۋى مۇمكىن. بۇل ءوز كەزەگىندە قازاقستاندىق ازىق- تۇلىك وندىرۋشىلەردىڭ جاعدايىن مۇلدەم تۇرالاتىپ جىبەرۋى ىقتيمال. «جىعىلعان ۇستىنە جۇدىرىق» بولىپ حالقىمىزدى باعا مەن ديەۆالۆاتسيا القىمنان قىسىپ جاتىر. «AMANAT» پارتياسىنىڭ سايلاۋشىلارى وسى ماسەلەلەر بويىنشا الاڭداۋلى»، - دەدى دەپۋتات.
وسى تۇرعىدا ول ءتيىستى سۇراقتارىن جولدادى:
1. قازاقستاننىڭ تاسىمال لوگيستيكاسىن ءارتاراپتاندىرۋعا قانداي قادامدار جاسالۋدا؟
2. حالىقارالىق ساۋدا برەندتەرىنىڭ قازاقستانمەن تىكەلەي جۇمىس ىستەۋىن قامتاماسىز ەتۋ ءۇشىن نە ىستەلىپ جاتىر ؟
3. مۇناي تاسىمالىن ءارتاراپتاندىرۋعا قانداي ارەكەت جاسالۋدا ؟
4. جالپى، تۋربۋلەنتتىلىك كەزەڭىندە، قازاقستاننىڭ ەكونوميكالىق مۇددەسىن قورعاۋدىڭ جاڭا فيلوسوفياسى بار ما؟
«وسى ماسەلەنى زاڭدا بەلگىلەنگەن مەرزىمدە قاراستىرىپ، جاۋاپ بەرۋىڭىزدى سۇرايمىز»، - دەلىنگەن دەپۋتاتتىڭ ساۋالىندا.