«مەملەكەت رەسۋرسىن تاۋىسۋ ءۇشىن شابۋىل ۇيىمداستىرۋشىلار ۇلكەن مايدان اشتى. اگرەسسيا ءبىر ۋاقىتتا 11 ءوڭىردى قامتىدى. ءبىراق نەگىزگى سوققى الماتىعا قارسى باعىتتالدى. وزدەرىڭىز بىلەتىندەي، بۇل ءبىزدىڭ ەڭ ءىرى قالامىز جانە ەلدىڭ قارجى ورتالىعى، وندا ماڭىزدى كولىك جانە كوممۋنيكاتسيا توراپتارى شوعىرلانعان. الماتىنىڭ قۇلاۋى حالىق تىعىز ورنالاسقان وڭتۇستىكتى، سودان كەيىن بۇكىل ەلدى باسىپ الۋعا جول اشار ەدى»، - دەدى قاسىم- جومارت توقايەۆ ۇجىمدىق قاۋىپسىزدىك تۋرالى شارت ۇيىمىنىڭ كەزەكتەن تىس وتىرىسىندا.
پرەزيدەنتتىڭ ايتۋىنشا، تەرروريستەر قۇقىقتىق ءتارتىپ كۇشىن وزىنە تارتىپ، سودان كەيىن قازاقستان استاناسىنا سوققى بەرۋدى كوزدەگەن.
«ءبىز پرەزيدەنت رەزيدەنتسياسىنىڭ اينالاسىندا سودىرلاردىڭ جينالعانىن كوردىك. شىن مانىندە، بۇل ءبىزدىڭ مەملەكەتكە قارسى ءتۇرلى ادىستەرمەن باستالعان ناعىز تەرروريستىك سوعىس بولدى. بۇل ءبىزدىڭ بۇرىن- سوڭدى بولماعان شارالار قابىلداۋىمىزدى تالاپ ەتتى»، - دەدى ق. توقايەۆ.
بۇعان دەيىن پرەزيدەنت الماتىدا پوليتسيا دەپاراتمەنتى ماڭىنداعى ۇرىس 2 تۇنگە سوزىلعانىن ايتقان ەدى.
«بۇل - جاقسى دايىندىقتان وتكەن كاسىبيلەردىڭ، ونىڭ ىشىندە ارنايى ۆينتوۆكالارى بار سنايپەرلەردىڭ ارەكەتى»، - دەپ باعالادى ق. توقايەۆ.
اۆتور: ايجان سەرىكجان قىزى