بۇعان دەيىن حابارلانعانداي، 2021-جىلعى قاراشادا تاۋەلسىز مەملەكەتتەر دوستاستىعى (ت م د) ۇكىمەتتەرىنىڭ باسشىلارى كەڭەسىنىڭ وتىرىسىندا ت م د شەڭبەرىندەگى ءوزارا ەكونوميكالىق ءىس-قيمىلدىڭ وزەكتى ماسەلەلەرى تالقىلانعان ەدى.
وتىرىس قورىتىندىسى بويىنشا اقپاراتتىق-تەلەكوممۋنيكاتسيالىق جەلىلەردە اۆتورلىق قۇقىق جانە ساباقتاس قۇقىق وبەكتىلەرىنە قۇقىقتاردى ساقتاۋ جانە قورعاۋ بويىنشا ت م د- عا قاتىسۋشى مەملەكەتتەردىڭ ىنتىماقتاستىعى تۋرالى كەلىسىم قابىلداندى.
ت م د- عا قاتىسۋشى مەملەكەتتەردىڭ يننوۆاتسيالىق ىنتىماقتاستىعىنىڭ 2030-جىلعا دەيىنگى كەزەڭگە ارنالعان مەملەكەتارالىق باعدارلاماسىن ىسكە اسىرۋ جونىندەگى 2021-2025-جىلدارعا ارنالعان كەشەندى ءىس-شارالار جوسپارى، 2022-جىلى ت م د- دا حالىق شىعارماشىلىعى مەن مادەني مۇرا جىلىن وتكىزۋ جونىندەگى ءىس-شارالار جوسپارى، 2030-جىلعا دەيىنگى «1520 كەڭىستىكتە» تەمىرجول كولىگىن ستراتەگيالىق دامىتۋ تۇجىرىمداماسى بەكىتىلدى.
2022-جىلى ت م د- عا قازاقستان ءتوراعالىق ەتەدى. ت م د ۇكىمەتتەرىنىڭ باسشىلارى كەڭەسىنىڭ كەلەسى وتىرىسىن 2022-جىلى مامىر ايىندا نۇر-سۇلتان قالاسىندا وتكىزۋ جوسپارلانعان.
ت م د ەلەكتر ەنەرگەتيكالىق كەڭەسىنىڭ 60-وتىرىسى دا 2022-جىلى قازاقستاندا وتەدى.
28- جەلتوقساندا سانكت-پەتەربۋرگتە ت م د- عا مۇشە مەملەكەتتەر باسشىلارىنىڭ بەيرەسمي كەزدەسۋىندە مەملەكەتتەردىڭ باسشىلارى 2021-جىلعى ءوزارا ىقپالداستىقتى قورىتىندىلاپ، الداعى ىنتىماقتاستىقتى ودان ءارى نىعايتۋ جانە دامىتۋ، سونداي-اق ەكونوميكالىق جانە مادەني-گۋمانيتارلىق سالالارداعى بىرلەسكەن جوبالاردى جۇزەگە اسىرۋ جونىندەگى ورتاق جوسپاردى تالقىلادى.