ەلوردادا بۇقارالىق مەديانى زاڭنامالىق رەتتەۋ ماسەلەلەرى تالقىلانىپ جاتىر ەلوردادا ءوتىپ جاتقان بۇقارالىق مەديانى زاڭنامالىق رەتتەۋ تۋرالى كونفەرەنسيادا كەمەلبەك قويشىبايەۆ ينتەرنەت رەسۋرستاردىڭ جارناما تارتۋىن زاڭمەن رەتتەۋ كوزدەلىپ وتىرعانىن ايتتى.
«قولدانىستاعى زاڭنامادا ينتەرنەتتەگى جارنامانى رەتتەۋگە قاتىستى قۇقىقتىق الشاقتىق بار ەكەنىن كورەمىز. ەندى زاڭنامادا ينتەرنەت- رەسۋرستاردىڭ جارناما ورنالاستىرۋ قۇقىقتارى مەن جاۋاپكەرشىلىگىن ناقتى نورما ارقىلى ايقىنداۋ قاجەت دەپ سانايمىز. ينتەرنەت- رەسۋرستارداعى باننەرلىك جانە بەينە جارنامانىڭ كولەمىن انىقتاۋ كوزدەلىپ وتىر. بۇل شارالار جارنامانى ورنالاستىرۋدىڭ بارلىق ەرەجەلەرىن ساقتايتىن ءداستۇرلى ب ا ق مۇددەلەرىن قورعاۋعا مۇمكىندىك بەرەدى. جارناما بۇكىل باق ءۇشىن نەگىزگى تابىس كوزى ەكەنىن تۇسىنەمىز. ءبىراق ءداستۇرلى باق جارناما تۋرالى زاڭنامانى ساقتاعانى سياقتى، ينتەرنەت ورتا دا زاڭ تالابىنا باعىنۋى كەرەك دەپ ويلايمىز»، - دەدى ۆيتسە- مينيستر.
سونداي-اق، ول مينيسترلىكتىڭ بۇل ماسەلەدە بارلىق يدەيالارعا اشىق ەكەنىن اتادى.
«ءبىز ءاربىر ۇسىنىستى مۇقيات زەردەلەۋگە جانە ءبىزدىڭ سالامىزدى دامىتۋعا كومەكتەسەتىن يدەيالاردى زاڭناماعا ەنگىزۋ مۇمكىندىكتەرىن پىسىقتاۋعا دايىنبىز. شامالاپ الساق، جىل اياعىنا دەيىن ۇسىنىستاردى جيناپ كەلەسى جىلى قوعام تالقىلاۋىنا شىعارىپ، كەيىن پارلامەنت قاراۋىنا شىعارامىز. بۇل شامامەن 2023 -جىلى بولۋى مۇمكىن»، - دەدى كەمەلبەك ويشىبايەۆ.
اۆتور: ەسىمجان ناقتىباي