«مەملەكەتتىك تۇرعىن ءۇي ساياساتى اياسىندا دامۋ الەۋەتى تومەن مونوقالالاردان قونىس اۋدارۋشىلارعا ارنالعان جەكە ءبولىم بولۋى ءتيىس»، - دەدى قاسىم- جومارت توقايەۆ ەكىباستۇزدا ءوتىپ جاتقان مونوقالالاردى دامىتۋ ماسەلەلەرىنە ارنالعان جينالىستا.
اقوردانىڭ Twitter- دەگى مالىمەتىنە سايكەس، پرەزيدەنت دامۋ الەۋەتى بار مونوقالالارعا قونىس اۋدارۋشىلارعا جەڭىلدەتىلگەن يپوتەكالىق باعدارلاما بولۋى كەرەكتىگىن ايتتى.
«وتباسى» بانكى ينسترۋمەنتاريىندە مۇنداي ازاماتتارعا باستاپقى جارناسى 10 پايىز جانە سىياقى مولشەرلەمەسى 2-دەن 5 پايىزعا دەيىن بولاتىن جەڭىلدەتىلگەن يپوتەكا باعداراماسىن قاراستىرۋى قاجەت. ۇكىمەتكە اكىمدىكتەرمەن بىرگە بۇل باستامانى جان- جاقتى پىسىقتاۋ كەرەك»، - دەدى مەملەكەت باسشىسى.
بۇعان دەيىن حابارلاعانىمىزداي، بۇگىن قاسىم- جومارت توقايەۆ جۇمىس ساپارىمەن پاۆلودار وبلىسىنىڭ ەكىباستۇز قالاسىنا كەلدى. مەملەكەت باسشىسى جۇمىس ساپارى بارىسىندا مونوقالالاردى دامىتۋ جونىندە كەڭەس وتكىزىپ، پرەزيدەنتتىك جاستار كادر رەزەرۆىنىڭ وكىلدەرىمەن كەزدەسەدى. سونىمەن قاتار قالاداعى يندۋستريالدى كاسىپورىندارعا بارادى دەپ جوسپارلانعان.
اۆتور: مارلان جيەمباي