دەنەنى شىنىقتىرىپ، بەلسەندى بولۋ. تازا اۋادا كوبىرەك قىدىرىڭىز. دەنە شىنىقتىرۋ جاتتىعۋلارى اعزاعا جاقسى اسەر ەتەدى، قارتايۋ جىلدامدىعىن ايتارلىقتاي باياۋلاتۋعا ىقپال ەتەدى، كۇيزەلىس جاعدايىن جەڭۋگە كومەكتەسەدى. جايمەن عانا ءجۇرۋدىڭ ءوزى ادامدى شارشاتا قويمايدى، زات الماسۋدى، قان اينالىمىن، تىنىس الۋدى جاقسارتادى، بۇلشىق ەتتەردى جاتتىقتىرادى. ءجۇرۋ كەزىندە جۇيكە جۇيەسى دەمالىپ، ادام سەرگىپ قالادى.
دۇرىس تاماقتانۋ. 50-60 جاستان كەيىن اعزادا فيزيولوگيالىق وزگەرىستەر بولادى - زات الماسۋ باياۋلايدى، ىشەكتىڭ جيىرىلۋى السىرەيدى، فەرمەنتتەردىڭ بەلسەندىلىگى تومەندەيدى. ەڭ باستىسى، تاماقتى از ءىشۋ كەرەك، ءبىراق ءنارلى زاتتار كوبىرەك بولۋى قاجەت. ەت ونىمدەرىن جەي بەرمەي، بالىق، ءسۇت، اسىرەسە قىشقىل ءسۇت ونىمدەرىن (ايران، يوگۋرت) كوبىرەك جەۋ كەرەك. كۇنىنە 300-400 م ل ءسۇت جانە تۇنگە قاراي 200 مل ايران ءىشۋ ۇسىنىلادى.
دۇرىس ۇيىقتاۋ. دۇرىستاپ، قاتتى ۇيىقتاۋ ءۇشىن دۇرىس كۇن ءتارتىبى قاجەت: ءبىر ۋاقىتتا ۇيىقتاۋ، كەشكى استى ۇيقىعا دەيىن 2-3 ساعاتتان كەشىكتىرمەي، كوپ جەمەۋ كەرەك.
ۇيىقتار الدىندا تازا اۋادا قىدىرعان دۇرىس. ۇيىقتار الدىندا وتە اسەرلى تەلەديدار حابارلارىن كورۋگە، اعزانى سەرگىتەتىن سۋسىنداردى - قويۋ شاي، كوفە ىشۋگە بولمايدى.
جاعىمسىز ەموتسياعا بەرىلمەۋ. جاعىمسىز ەموتسيالار: رەنىش، ۇرەي، سارى ۋايىمعا سالىنۋ، اشۋ- ىزا، قايعىرۋ، قىزعانىش، جەك كورۋ قاۋىپ- قاتەر فاكتورلارى بولىپ سانالادى، تەزىرەك قارتايتىپ، ءومىردى قىسقارتادى، جانە دە كەرىسىنشە، جاعىمدى ەموتسيالار - راحاتتانۋ، قۋانۋ - اعزانىڭ قۋات الۋىنا كومەكتەسەدى. كۇلكى - بۇل قۋانۋدىڭ، سەرگەك كوڭىل- كۇيدىڭ جانە رۋحاني دەنساۋلىقتىڭ بەلگىسى. ول وكپەنىڭ قالىپتى جۇمىس ىستەۋىنە جاقسى ىقپال ەتەدى، زات الماسۋدى رەتتەيدى. پروفيلاكتيكالىق تەكسەرۋدەن، سكرينينگتەن ۋاقىتىلى ءوتۋ. سكرينگتىك تەكسەرۋ ارتەريالىق گيپەرتونيانى، جۇرەكتىڭ يشەميالىق اۋرۋىن، قانت ديابەتىن، گلاۋكومانى، ونكولوگيالىق اۋرۋلاردى ۋاقىتىلى انىقتاۋعا مۇمكىندىك بەرەدى. ءسىز سكرينينگ تۋرالى اقپاراتتى ەمحاناداعى ءوزىڭىزدىڭ ەمدەۋشى دارىگەرىڭىزدەن بىلە الاسىز. بۇل قاعيدالاردى ساقتاۋ ارقىلى بەلسەندى بولۋعا، دەنساۋلىعىڭىزدىڭ مىقتى بولۋىنا جانە ۇزاق جىلدار بويى دەنىڭىزدىڭ ساۋ بولۋىنا كومەكتەسەدى!