الەمدە تالاي قىزىق بار: ادام ءومىر بويى قانشا جول جۇرەدى؟

بۇگىن تاعى دا الەمنىڭ عاجاپ قىزىقتارىن اڭگىمەلەيمىز.

♦ جەر ءوزىن 23 ساعات 56 مينۋت 4 سەكۋندتا اينالىپ شىعادى. ارتىلىپ قالعان 3 مينۋت 56 سەكۋند جينالىپ، 4 جىلدا ءبىر كۇن بولادى. كىبىسە جىلى وسى سەبەپتەن قالىپتاسقان؛

♦ ادام ءومىر بويى جەردى اينالىپ وتەتىن قاشىقتىقتى ءۇش رەت ءجۇرىپ وتەدى؛

♦ ءبىزدىڭ دەنەمىزدە پلانەتاداعى ادامداردان دا كوپ ورگانيزم ءومىر سۇرەدى؛

♦ جەردەگى ەڭ قۇرعاق مەكەن - انتاركتيدادا. انتاركتيداداعى ماك-مەردو القابىندا 2 ميلليون جىلدان بەرى جاۋىن-شاشىن بولماعان؛

♦ كۇن داۋىسىنىڭ قاتتى بولعانى سونشالىق، ەگەر كەڭىستىك ۆاكۋۋممەن ەمەس، اۋامەن تولتىرىلسا، ءبىز ءارقاشان 125 دەتسيبەلدىڭ قاتتى دىبىس ەستيتىن ەدىك. سالىستىرۋ ءۇشىن ايتاتىن بولساق 125 دتسب ۇشاقتىڭ ستارت كەزىندەگى داۋىسىنا تەڭ؛

♦ ادام اعزاسىنداعى ەڭ كۇشتى بۇلشىقەت - ءتىل؛

♦ ەر ادامدى نايزاعاي سوعۋى ايەلگە قاراعاندا 6 ەسە كوپ؛

♦ ەگەر Сoсa-Сola - عا بوياعىش قوسىلماسا، ونىڭ ءتۇسى جاسىل بولار ەدى؛

♦ ءتورت جاستان اسقان بالا كۇنىنە ورتا ەسەپپەن 400 سۇراق قويادى؛

♦ عارىشكەرلەر شلەمىنە مۇرىندى قىتىقتايتىن ارنايى قوندىرعى ورناتىلعان؛

♦ قىتايلار كۇننەن قورعايتىن كوزىلدىرىكتى XIIعاسىردان باستاپ قولدانعان. لينزالار ءتۇتىندى كۆارتستان جاسالاتىن. كوزىلدىرىك كۇن ساۋلەسىنەن قورعاپ قانا قويماي، ەموتسيانى جاسىرۋعا دا كومەكتەسكەن. سۋديالار كۋاگەرلەر مەن كۇدىكتىلەردەن جاۋاپ الۋ كەزىندە وسى كوزىلدىرىكتى پايدالانعان.