ءمينيستردىڭ دەرەگىنشە، ناۋقاستانۋ كورسەتكىشى بويىنشا الەمدىك رەيتينگتەگى 221 ەلدىڭ ىشىندە قازاقستان 108-ورىندا، ال ءولىم- ءجىتىم بويىنشا 107-ورىندا تۇر.
«جوعارى ەپيدەميولوگيالىق تاۋەكەل اۋماعىندا 10 ءوڭىر، اتاپ ايتقاندا نۇر- سۇلتان، الماتى قالالارى، اقمولا، اقتوبە، اتىراۋ، باتىس قازاقستان، قاراعاندى، قىزىلوردا، ماڭعىستاۋ جانە پاۆلودار وبلىستارى تۇر. ورتاشا ەپيدەميولوگيالىق تاۋەكەل ايماققا بۇگىندە جامبىل، شىعىس قازاقستان، الماتى جانە قوستاناي وبلىستارى كىرەدى. «جاسىل» ايماقتا - تۇركىستان مەن سولتۇستىك قازاقستان وبلىستارى»، - دەدى مينيستر.
ونىڭ ايتۋىنشا، ەلىمىزدە 27-ساۋىرگە دەيىن COVID-19-دىڭ وڭ ناتيجەسىمەن 311400، ال تەرىس ناتيجەسىمەن 52431 ناۋقاس تىركەلگەن.
«ناۋقاس تانۋدىڭ كۇندەلىكتى ديناميكاسى ناۋرىز ايىنىڭ سوڭىنداعى 46 پايىزدىق ءوسىم قارقىنىنىڭ وتكەن اپتا ىشىندە 8 پايىزعا دەيىن تومەندەۋىمەن سيپاتتالادى. سوڭعى اپتادا ونىڭ الدىنداعى اپتامەن سالىستىرعاندا ءولىم- ءجىتىم ءوسىمى 30 دان 8 پايىزعا دەيىن تومەندەدى. احۋالدىڭ ايتارلىقتاي تۇراقتانۋى بايقالادى. وڭىرلەر ايماقتاعى ەپيدەميولوگيالىق احۋالدى ەسكەرە وتىرىپ شەكتەۋ ءىس- شارالارىن تۇزەتۋدى جانە قابىلداۋدى جالعاستىرۋدا»، - دەدى الەكسەي سوي.