بۇل تۋرالى ۇلتتىق ەكونوميكا ءمينيسترىنىڭ ورىنباسارى الىشەر ءابدىقادىروۆ ماجىلىستە سايلاۋ تۋرالى زاڭناماعا ەنگىزىلەتىن تۇزەتۋلەردى تانىستىرۋ كەزىندە ايتتى.
«اۋداندىق ماڭىزداعى قالالاردىڭ، اۋىلدار مەن كەنتتەردىڭ، اۋىلدىق وكرۋگتەردىڭ اكىمدەرىن تىكەلەي سايلاۋ جەرگىلىكتى بيۋدجەتتەن قارجىلاندىرىلادى. ءبىراق بيۋدجەت كودەكسىنىڭ جەرگىلىكتى بيۋدجەتتىڭ شىعىندارىن مىندەتتى وتەۋ تۋرالى نورمالارىن ەسكەرە وتىرىپ، الداعى 2 جىلدا، ياعني 2021-2022 -جىلدارى سايلاۋلار ورتالىق سايلاۋ كوميسسياسى ارقىلى قارجىلاندىرىلادى. ال 2023 -جىلدان باستاپ بۇل شىعىندار جەرگىلىكتى بيۋدجەت شىعىندارىنىڭ تىزبەسىن قوسىلىپ، جالپى سيپاتتاعا ترانسفەرتتەردىڭ قاتارىنا ەنگىزىلەدى»، - دەدى ۆيتسە- مينيستر.
مينيسترلىك وكىلى سايلاۋ شىعىندارىنىڭ كولەمىنە توقتالدى. «اكىمدەر سايلاۋىن وتكىزۋگە شامامەن 17,6 ميلليون تەڭگە قاجەت. بيىل سونىڭ ىشىندە 4,8 ميلليارد تەڭگە 800-دەن استام اكىمدىس سايلاۋعا ءبولىنىپ وتىر»، - دەدى الىشەر ءابدىقادىروۆ.
ەسكە سالساق، پرەزيدەنت قاسىم- جومارت توقايەۆ ۇلتتىق قوعامدىق سەنىم كەڭەسىنىڭ بەسىنشى وتىرىسىندا سايلاۋ تۋرالى زاڭناماعا ەنگىزىلەتىن بارلىق وزگەرىستەر مەن تولىقتىرۋلار پىسىقتالىپ جاتقانىن ءمالىم ەتكەن بولاتىن.
اۆتور: ەسىمجان ناقتىباي