كەيبىرەۋلەرىنىڭ پىكىرىنشە، بۇل مەديتسينالىق كومەك كورسەتۋدىڭ ساپاسىنا اسەر ەتۋى مۇمكىن، ويتكەنى دارىگەرلەر ءۇشىن پاتسيەنتتى اۋرۋدان ەمدەگەننەن گورى، ونىڭ مۇشەلەرىن الۋ تيىمدىرەك بولۋى مۇمكىن. بۇل جالعان. پاتسيەنتتەردىڭ ولىمنەن كەيىنگى دونورلىقتان باس تارتۋ نەمەسە كەلىسۋ تۋرالى اقپاراتتى ەلەكتروندىق دەنساۋلىق پاسپورتتارىنا ەنگىزۋ جوسپارلانىپ وتىرعاندىقتان، كەيبىر ازاماتتار الاڭداۋشىلىق بىلدىرۋدە. ولاردىڭ ايتۋىنشا، ەلەكتروندى دەنساۋلىق پاسپورتتارى الەۋەتتى دونورلاردىڭ مالىمەتتەر بازاسىنا اينالۋى مۇمكىن، سودان كەيىن دارىگەرلەر تىزىمدە كورسەتىلگەندەردى ەمدەۋدى ادەيى توقتاتادى.
ق ر دەنساۋلىق ساقتاۋ مينيسترلىگى دونورلىققا كەلىسىم بەرۋ نەمەسە باس تارتۋ تۋرالى اقپارات ەلدىڭ بارلىق مەديتسينا قىزمەتكەرلەرى ءۇشىن اشىق جانە قولجەتىمدى ەمەس ەكەنىن ءتۇسىندىردى.
«2020 -جىلعى 7 -شىلدەدەگى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكستىڭ 209-بابىنىڭ 8-تارماعىنا سايكەس، اعزالاردىڭ قايتىس بولعاننان كەيىن دونورلىعىنا قۇقىعىن بىلدىرگەن ازاماتتاردىڭ تىركەلىمىنە ۋاكىلەتتى ورگان ايقىنداعان تارتىپپەن ترانسپلانتاتتاۋ جونىندەگى ۇيلەستىرۋ ورتالىعىنىڭ ۋاكىلەتتى ادامدارىنىڭ عانا قول جەتكىزۋى مۇمكىن بولادى»، - دەپ حابارلادى ۆەدومستۆودان.
سونىمەن قاتار، كودەكستىڭ وسى بابىنىڭ 4-تارماعىنا سايكەس، قازاقستاندا ادامنان اعزالارىن ماجبۇرلەپ الۋعا؛ ادامدى ءوزىنىڭ اعزاسىن بەرۋگە ماجبۇرلەۋگە، ادامنىڭ اعزالارى مەن تىندەرىن ساتىپ الۋعا- ساتۋعا تىيىم سالىنادى. سونداي- اق، كودەكس ارەكەتكە قابىلەتسىز ادامداردان، ازاماتتىعى جوق ادامداردان، كامەلەتكە تولماعانداردان جانە قايتىس بولعان كەزدە جەكە باسى انىقتالماعان ادامداردان تىندەر مەن مۇشەلەردى الۋعا تىيىم سالادى.
قورىتا ايتقاندا، ولىمنەن كەيىنگى دونورلىققا كەلىسۋ نەمەسە ودان باس تارتۋ تۋرالى دەرەكتەردىڭ جالپىعا قولجەتىمدى بولاتىنى تۋرالى الاڭداۋعا نەگىز جوق. تاراتىلىپ جاتقان حابارلامادا ق ر زاڭدارىنا قايشى كەلەتىن اقپارات ۇسىنىلعان.