قازاقستاندا كوروناۆيرۋسقا قارسى ۆاكسيناتسيا باستالدى قالا اكىمدىگىنەن ءمالىم ەتكەندەي ، شاھارعا كوروناۆيرۋسقا قارسى ۆاكسينانىڭ 1000 دوزاسى جەتكىزىلدى.
«شىمكەنت قالاسىنىڭ اكىمى مۇرات اي̆تەنوۆ قالادا ۆاكسينا قابىلداعان العاشقىلاردىڭ ءبىرى بولدى. ول №3-ەمحاناعا بارىپ، ەكپە الدىندا دارىگەرگە تەكسەرىلدى. قارسى كورسەتكىشتەر انىقتالماعاندىقتان، ەرىكتى تۇردە ۆاكسينا سالدىردى. قازىرگى تاڭدا دەنساۋلىق جاعداي̆ى جاقسى»، - دەدى اكىمدىكتەن.
«سپۋتنيك-V» ۆاكسيناسىنىڭ 1000 دوزاسى قالالىق قان ورتالىعىنداعى مۇزداتقىش كامەرالاردا ۋاقىتشا ساقتاۋ ءۇشىن ورنالاستىرىلىپ، بۇگىن تاڭعى ساعات التىدا ءتورت ەمحاناعا جەتكىزىلدى. ەگۋ جۇمىستارىن جۇرگىزۋ ءۇشىن قالاداعى ەمحانالاردىڭ بازاسىندا 4 ۆاكسيناتسيا كابينەتى ۇيىمداستىرىلىپ، ۆاكسينالاردى ساقتاۋعا ارنالعان مۇزداتقىشتار ورناتىلدى.
ءمالىم ەتىلگەندەي، مەديتسينا قىزمەتكەرلەرىنە ەرىكتى تۇردە ۆاكسينا ەگۋ ءۇشىن ءتىزىم قالىپتاستىرىلعان.
سونىمەن قاتار، بارلىق مەديتسينا قىزمەتكەرلەرى ءۇشىن ۆاكسيناتسيا بويىنشا سەمينار- ترەنيگتەر وتكىزىلگەن. ايتا كەتەيىك، ۆاكسينالاۋعا قارسى كورسەتكىشتەرى جوق ادامدار جىبەرىلەدى. ۆاكسيناتسيا الدىندا دارىگەر ەگۋگە كەلگەن ادامدى مىندەتتى تۇردە تەكسەرەدى.
«ۆاكسيناتسيا كوروناۆيرۋستىڭ ودان ءارى تارالۋىنا جول بەرمەۋ جانە قاتاڭ لوكداۋن ەنگىزبەۋدىڭ جالعىز بالاماسى»، - دەدى شىمكەنت قالاسى اكىمدىگىنىڭ باسپا ءسوز قىزمەتىنەن.