بۇل ساۋالعا ق ر ۇ ق ك اقپاراتتىق قاۋىپسىزدىك دەپارتامەنتى باستىعىنىڭ ورىنباسارى عالىمبەك تاتەنوۆ جاۋاپ بەردى، دەپ حابارلايدى قازاقپارات ءتىلشىسى.
«سىزدەر ونى ورناتپاۋلارىڭىزعا دا بولادى. ونى قۇرىلعىلارىڭىزعا ءوز ەرىكتەرىڭىزبەن عانا ورناتا الاسىزدار. ەگەر سىزدە ناقتى بۇعاتتاۋ جۇمىس ىستەگەنىن، بارلىق رەسۋرستىڭ اجىراپ قالماعانىن قالاساڭىز، قانداي دا ءبىر قۇقىققا قايشى كەلەتىن ەمەس، قالاعان سىلتەمەگە وتكىڭىز كەلسە، وندا سەرتيفيكات مۇنداي جاعدايدا كومەك بەرەدى»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
سونىمەن قاتار ول كيبەرجاتتىعۋ اياقتالعانىن اتاپ ءوتتى.
«جاتتىعۋ اياقتالعانىن حابارلادىق. قازىر كەز كەلگەن سىلتەمەگە ەمىن-ەركىن كىرە الاسىزدار. ساعات 9-20 دان باستاپ جۇيەنى ىسكە قوستىق. ەندى سەرتيفيكاتسىز كىرە الاسىزدار. مەن تەك بولاشاق جايىندا ايتىپ وتىرمىن. ەگەر مۇنداي احۋال تۋىندايتىن بولسا، وندا پروبلەماعا تاپ بولماۋ ءۇشىن سەرتيفيكاتتى ءقازىر ورناتىپ العان دۇرىس»، - دەدى عالىمبەك تاتەنوۆ.