1. اۆراام لينكولن (1809-1865)
بيوگراف دجوشۋا ۆولف شەنكتىڭ «لينكولن مەلانحولياسى» اتتى كىتابىندا لينكولننىڭ 26 جانە 31 جاسىندا دەپرەسسياعا تۇسكەنى جازىلعان. ول سۋيتسيدتىك وي ايتىپ، دوستارى مەن جاقىندارىنىڭ زارەسىن العان. سودان ولار لينكولنگە قارايلاسىپ جۇرگەن.
«مەن قازىر جەر بەتىندەگى ەڭ باقىتسىز اداممىن»، - دەپ جازعان 32 جاسىندا. دەگەنمەن ول دەپرەسسياعا قارسى تۇرا ءبىلدى. دەپرەسسيادان شىعۋ ءۇشىن كوپ ازىلدەگەن، قالجىڭداپ، انەكدوت ايتقان.
بيوگراف شەنكتىڭ ايتۋىنشا، ءازىل، كۇلكى، كوتەرىڭكى كوڭىل كۇي لينكولننىڭ پسيحيكالىق سىلبىرلىعىن جويعان. بۇل ونىڭ كوڭىلىن اۋلاپ، ادامدارمەن سويلەسۋىن جەڭىلدەتكەن.
سونىمەن بىرگە شەنك لينكولننىڭ دەپرەسسيادان شىعۋىنا پوەزياعا دەگەن ىقىلاسى ىقپال ەتكەن دەپ تۇجىرىم جاسادى.
2. دجوردجيا و’كيف (1887-1986)
سۋرەتشى دجوردجيا و’كيف 46 جاسىندا نيۋ- يورك اۋرۋحاناسىنا ۇرەي، دەپرەسسيا سيمپتومدارىمەن جاتقىزىلعان. ۇيقىدان باس تارتىپ، تاماق ىشپەي قويعان. بۇل تۋرالى ونىڭ بيوگرافتارى روكسانا روبينسون مەن حانتەر دروحودجوۆسكي- فليپ جازدى.
ونىڭ جولداسىمەن قارىم- قاتىناسىنىڭ ناشارلاۋى مەن ونەرى قۇردىمعا كەتەدى دەگەن قورقىنىش دەپرەسسيانعا سەبەپ بولعان.
سۋرەتشىگە دەپرەسسيادان شىعۋعا ساياحات كومەكتەسكەن. ول بەرمۋد ارالدارىنا، نيۋ- يورك شتاتىنداعى لەيك- دجوردج قالاشىعىنا، گاۆاي ارالدارىنا ساياحاتتاعان.
3. زيگمۋند فرەيد (1856-1939)
«ول بىرنەشە جىل بويى دەپرەسسياعا ءتۇسىپ، شارشاڭقى، ەنجار ءجۇردى»، - دەپ جازادى ونىڭ شاكىرتى ەرنەست دجونس.
فرەيد الدىمەن كوكاين كومەگىمەن دەپرەسسيادان قۇتىلعىسى كەلدى. 28 گە تولعان شاعىندا بىلاي دەگەن ەكەن: «مەن سوڭعى رەت دەپرەسسياعا تۇسكەندە كوكاين قابىلداپ، ونىڭ كىشكەنتاي مولشەرىنىڭ ءوزى مەنى كوكتە قالىقتاتىپ جىبەردى». دەگەنمەن فرەيد كوكايندى دەر كەزىندە توقتاتتى.
جاس كەزىندە فرەيد اتاق پەن داڭقتى جاقسى كوردى. وعان دەپرەسسيادان شىعۋعا ەڭبەگىنىڭ كوپكە تانىمال بولۋى كومەكتەستى. ونىڭ پسيحواناليز، ءتۇس، جەڭسىكتىك تۋرالى ەڭبەكتەرى مويىندالا باستادى.
4. فرانتس كافكا (1883-1924)
«كافكا ءومىر بويى كلينيكالىق دەپرەسسياعا، مازاسىزدانۋعا دۋشار بولىپ وتكەن»، - دەيدى جازۋشىنى زەرتتەگەن ماۋرو نەرۆي. ونىڭ بۇل كۇيىنەن كەيىن ايەلى تاستاپ كەتكەن.
كافكانىڭ جاعدايى زاڭگەر ديپلومىنا يە بولىپ، ساقتاندىرۋ كومپانياسىنا جۇمىسقا تۇرعاننان كەيىن تۇزەلگەن. بۇل جۇمىس ونىڭ ابسۋرد پەن بيۋروكراتيا سۇمدىقتارى تۋرالى جازعان شىعارمالارىنا ازىق بولدى. ءسويتىپ ونىڭ جازۋعا دەگەن قۇلشىنىسى دەپرەسسيادان ارىلۋعا كومەكتەسكەن. سونىمەن بىرگە فيزيكالىق جاتتىعۋلار دا ماڭىزدى انتيدوت بولعان. نيەۆريدىڭ ايتۋىنشا، كافكا جاقسى جۇزگەن، تاۋعا ءجيى شىققان، اتقا مىنگەن.
5. گەنەرال ۋيليام شەرمان (1820-1891)
ا ق ش- تاعى ازامات سوعىسى الدىندا ەرىكتىلەر اسكەرىنىڭ گەنەرالى ۋيليام شەرمان كەنتۋككي شتاتىنا جاۋاپتى بولعان. شەرمان شتاتتىڭ جاعدايىنا پەسسيميزمەن قارادى، باسشىلارعا دەفيتسيتپەن شاعىمدانعان، باسپا سوزدە ول تۋرالى جاعىمسىز ماقالالار جاريالانا باستادى.
سودان شەرمان ءوزىن قىزمەتىنەن بوساتۋىن تالاپ ەتتى، ءبىراق باسىشىلىق ونى ەڭبەك دەمالىسىنا جىبەرەدى. ۇيىنە ورالعان گەنەرال مەلانحولياعا دۋشار بولادى. كەيىن شەرمان بۇل ۋاقىتتا ءوز- وزىنە قول جۇمساعىسى كەلگەنىن ايتقان ەكەن.
شەرمانعا دەپرەسسيادان ارىلۋ ءۇشىن جاقىن تۋىستارى كومەكتەسىپ، قولداعان. ودان كەيىن اياق استى سىرتقى فاكتور اسەر ەتتى.
گەنەرال قىزمەتكە ورالىپ، ۋليسس گرانتتىڭ باسشىلىعىمەن 1862 -جىلعى شايلو شايقاسىنا قاتىسادى. مۇندا ول اسكەردى بىرىكتىرىپ، ەكى رەت جارالانىپ ۇلگەرەدى. وسىلايشا وداق اسكەرىنىڭ قاھارمانىنا اينالادى.
شەرمان ءوزىنىڭ مەمۋارىندا بىلاي جازعان: «شايلو شايقاسىنا دەيىن مەنى گازەتتە ەسىنەن اداسقان دەپ جازىپ كەلدى. كەيىن شايقاس ماعان ەكىنشى ءومىر سىيلادى، كوڭىلىم ورنىنا ءتۇستى».
ءسويتىپ ول دەپرەسسيادان جاقىندارىنىڭ قولداۋىنان جانە ءوز جۇمىسىن جاقسى اتقارعاننان كەيىن ارىلدى.
massaget.kz