امەريكالىق بيوتەحنولوگيالىق كومپانيانىڭ جەتىستىگى - الەمدىك ەكونوميكانى توقىراتىپ تاستاعان كوروناۆيرۋسقا قارسى ۆاكتسينانى ازىرلەۋ بايگەسىندە ءۇمىتتى جەتىستىكتەردىڭ الدىڭعى قاتارىندا تۇر.
ايتسە دە ءساتتى ۆاكتسينانى قۇرۋ جولىندا كەدەرگى كوپ. وعان قوسا پاتسيەنتتەردىڭ كەيبىرىنە سىناق بارىسى ايتارلىقتاي كەرى اسەر ەتكەنى بايقالعان. ورتاشا دوزا العان ۆاكتسينانى زەرتتەۋدىڭ العاشقى ساتىسىنا قاتىسۋشىلاردىڭ جارتىسىندا السىزدىك، قالتىراۋ، باس اۋرۋى جانە بۇلشىق ەتتىڭ اۋىرسىنۋى بايقالعان.
سونىمەن قاتار ەكىنشى ۆاكتسيناتسيادان كەيىن ۆاكتسيناتسيانىڭ ورتاشا دوزاسى بار توپتاعى ادامداردىڭ @- نىڭ دەنە قىزۋى كوتەرىلگەن. ماكسيمالدى دوزانى العان 14 پاتسيەنتتىڭ ۇشەۋىندە اۋىر جاناما اسەر بولعان. Moderna Inc. كومپانياسىنىڭ mRNA-1273 ۆاكتسيناسىنىڭ العاشقى زەرتتەۋىنە ءۇش توپقا ءبولىنىپ، 45 ناۋقاس قاتىسقان. زەرتتەۋگە قاتىسۋشىلار ۆاكتسينانىڭ 25، 100 جانە 250 ميكروگرامم بولاتىن ەكى دوزاسىن 28 كۇن ارالىعىمەن قابىلداعان. 42 پاتسيەنتكە ىقتيمال ۆاكتسينانىڭ ەكىنشى دوزاسىن سالعاننان كەيىن زەرتتەۋ ناتيجەلەرىنە سايكەس كوروناۆيرۋستى بەيتاراپتاندىرۋعا قابىلەتتى انتيدەنەلەر پايدا بولا باستادى.
كومپانيانىڭ مالىمەتىنشە، 27- شىلدەدەن باستاپ جالعاساتىن كلينيكالىق زەرتتەۋلەرگە ارنالعان دوزانىڭ ورتاشا مولشەرى تاڭدالدى.
Bloomberg كومپانياسى ۇسىنعان مالىمەتتەرگە سايكەس ۆاكتسينا 18 بەن 55 جاس ارالىعىنداعى پاتسيەنتتەرگە سىنالعان. كومپانيا ەگدە جاستاعى پاتسيەنتتەر (ولاردىڭ اراسىندا كوروناۆيرۋستان ءولىمنىڭ ەڭ جوعارى دەڭگەيى بايقالعان) قاتىسقان زەرتتەۋدىڭ ەكىنشى بولىگىنىڭ ناتيجەلەرىن ۇسىنعان جوق.
«جاقسى جاڭالىق مىنادا - بۇل ۆاكتسينا انتيدەنەلەردى شىعارادى. بۇل جاي انتيدەنەلەر عانا ەمەس، سونىمەن قاتار [ۆيرۋستى] بەيتاراپتاندىراتىن انتيدەنەلەر»، - دەدى ا ق ش ۇلتتىق اللەرگيا جانە جۇقپالى اۋرۋلار ينستيتۋتىنىڭ ديرەكتورى ەنتوني فاۋكي. Bloomberg-كە تەلەفون ارقىلى بەرگەن سۇحباتىندا فاۋچي Moderna Inc.
ۇسىنعان دەرەكتەرگە سىلتەمە جاساي وتىرىپ، ونى «شىنىمەن ءۇمىت زور» دەپ اتادى. ول بايقالعان جاناما اسەرلەردىڭ الاڭداۋشىلىق تۋدىرمايتىنىن جانە باسقا ۆاكتسينالارعا ءتان ەكەنىن اتاپ وتكەنىمەن، كەيبىر ساراپشىلار ءالى دە ەرتەرەك وپتيميزمگە بەرىلگىسى كەلمەيدى.
«ءيا، (ۆاكتسينانىڭ) كوپتەگەن جاناما اسەرى بار»، - دەيدى سولتۇستىك كارولينادا ورنالاسقان ادامدى ۆاكتسيناتسيالاۋ ينستيتۋتىنىڭ دوكتورى ءارى زەرتتەۋشىسى توني مۋدي. ول ۆاكتسينانىڭ كوپتەگەن جاناما اسەرى «ادەتتەگىدەن ەرەكشە» ەكەنىن اتاپ ءوتتى.
ەكىنشى جاعىنان مۋدي شىعارىلعان انتيدەنە دەڭگەيى «شىنىمەن ۇمىتتەندىرەتىنىن» ايتادى. Access Health International ۇيىمىن باسقاراتىن گارۆاردتاعى مەديتسينا مەكتەبىنىڭ بۇرىنعى زەرتتەۋشىسى ۋيليام حەزەلتين ۆاكتسينا شىعاراتىن انتيدەنەلەر دەڭگەيىن «لايىقتى» دەپ اتادى.
ءبىراق ول ۆاكتسينالاردىڭ قاۋىپسىزدىگى ماسەلەسى باسى اشىق ماسەلە بولىپ قالا بەرەتىنىن باسا ايتتى. ونىڭ ارىپتەسى - وڭتۇستىك كارولينا ۋنيۆەرسيتەتىنىڭ مەديتسينا مەكتەبىنىڭ ميكروبيولوگيا پروفەسسورى پاۋلا كەننون ۆاكتسينا جاقسى جۇمىس ىستەگەنىن ايتىپ «انتيدەنەلەر شىعارا الادى» دەپ سانايدى. ءبىراق انتيدەنەلەردىڭ السىرەۋى قانشا ۋاقىتقا سوزىلادى دەگەن تاعى ءبىر سۇراق تۋىندايدى.
Bloomberg اتاپ وتكەندەي، 9 جىل بۇرىن ماسساچۋسەتستە قۇرىلعان بيوتەحنولوگيالىق كومپانيانىڭ Moderna Inc. اكتسيالارى سارسەنبىدە ءوسىپ، ءبىر جىلدا 4 ەسە ءوسىمدى كورسەتكەنىن حابارلايدى. سەبەبى كومپانيانىڭ ۆاكتسيناسى تەز ارادا ماقۇلدانادى-اۋ دەگەن ءۇمىت بار.
عالىمدار Moderna Inc.- ءتى اكتسيالاردىڭ باعاسىن ۋاقىتشا جوعارىلاتۋعا ارنالعان وڭ ناتيجەلى ۆاكتسينالاردى زەرتتەۋ ناتيجەلەرىن جاريالاعانى ءۇشىن بۇعان دەيىن دە سىنعا العان.
عىلىمي قاۋىمداستىقتىڭ پىكىرىنشە، كومپانيا مالىمەتتەردى شەكتەپ تاراتادى. وسىنىڭ نەگىزىندە ۆاكتسينانىڭ تيىمدىلىگىن باعالاۋ قيىن. قالاي بولعاندا دا، ۆاكتسينانى زەرتتەۋ ناتيجەلەرى تۋرالى جاڭالىق، اسىرەسە كوروناۆيرۋس جۇقتىرعانداردىڭ سانى 3,4 ميلليوننان اسىپ كەتكەن ا ق ش- تى ايتارلىقتاي قۋانتىپ وتىر.
دجونس حوپكينس ۋنيۆەرسيتەتىنىڭ ينتەراكتيۆتى كارتاسى بويىنشا ۆيرۋس امەريكا قۇراما شتاتتارىندا قازىردىڭ وزىندە 136000 نان استام ادامنىڭ ءومىرىن قيعان.