16 مينۋتتىق دەرەكتى فيلمدە ەكىنشى دۇنيەجۇزىلىك سوعىس كەزىندە فاشيزمدى جەڭۋدەگى قازاقستاننىڭ قوسقان ۇلەسى تۋرالى باياندالادى. فيلمگە برەست قامالىن قورعاعان قازاقستاندىقتاردىڭ ەستەلىك سۇحباتتارى مەن قازاقستاندا قۇرىلعان اسكەري بولىمدەردىڭ جاۋىنگەرلىك ارەكەتتەرى تۋرالى تاريحشىلاردىڭ پىكىر- پايىمدارى ەنگىزىلگەن.
سونىمەن بىرگە دەرەكتى فيلمنەن حالىق قاھارمانى قاسىم قايسەنوۆتىڭ ارحيۆتەگى سۇحباتى، راحىمجان قوشقاربايەۆتىڭ رەيحستاگقا تۋ تىككەن ەرلىگى تۋرالى ەستەلىكتەردى كورۋگە بولادى.
اۆتور: ايان بەكەن ۇلى