«بارشاڭىزدى جەڭىستىڭ 75 جىلدىعىمەن قۇتتىقتايمىن! بۇل - ءورشىل رۋح پەن وشپەس ەرلىكتىڭ مەرەكەسى. جەڭىس كۇنى بەكەم بىرلىكتىڭ جانە ەرەن ەڭبەكتىڭ جارقىن سيمۆولى سانالادى. ءبىز ءۇشىن ايتۋلى مەيرامنىڭ ماڭىزى ايرىقشا زور. ەلىمىزدە سوعىس وتى شارپىماعان اۋلەت جوق. قان مايدانعا اتتانعان قازاقستاندىقتاردىڭ جارتىسى ەلگە ورالمادى. سول كەزەڭدە 500 دەن استام وتانداسىمىز كەڭەس وداعىنىڭ باتىرى اتانىپ، قايسارلىق پەن جانقيارلىقتىڭ وزىق ۇلگىسىن كورسەتتى. تىل ەڭبەككەرلەرى دە ۇلى جەڭىستى جاقىنداتۋعا ولشەۋسىز ۇلەس قوستى. سوندىقتان ءبىز ءاردايىم ارداگەرلەرىمىزدى ارداقتاپ، وتان ءۇشىن وپات بولعان ەرلەردىڭ رۋحىنا تاعزىم ەتەمىز»، - دەپ جازدى ماۋلەن اشىمبايەۆ Facebook پاراقشاسىنا.
تاياۋدا مەملەكەت باسشىسى ارداگەرلەردىڭ، ەڭ الدىمەن ەكىنشى دۇنيەجۇزى سوعىسىنا قاتىسۋشىلاردىڭ الەۋمەتتىك قورعالۋىن قامتاماسىز ەتەتىن جاڭا زاڭعا قول قويدى.
«بۇل - بۇگىنگى بەيبىت ومىرىمىزگە جول اشقان اعا بۋىنعا كورسەتىلگەن ەرەكشە قۇرمەت. ءبىز اكەلەرىمىز بەن اتالارىمىزدىڭ جانكەشتى ەرلىگىن ەشقاشان ۇمىتپايمىز. قازىرگىدەي كۇردەلى كەزەڭدە دە ەشبىر ارداگەر ەلەۋسىز قالعان جوق. مەرەكەمەن قۇتتىقتاي وتىرىپ، مايدانگەرلەرىمىزگە زور دەنساۋلىق جانە باق-بەرەكە تىلەيمىن»، - دەپ تۇيىندەدى ءسوزىن سەنات سپيكەرى.
ايتا كەتەيىك، بۇگىن قازاقستاندىقتار ەكىنشى دۇنيەجۇزىلىك سوعىستاعى جەڭىستىڭ 75 جىلدىعىن تويلاپ جاتىر.