نىسانداردىڭ جۇمىسىن جانداندىرۋ بىرتىندەپ ءجۇرىپ جاتقانىنا توقتالعان ول: «وسى نىسىندارعا سانيتارلىق- دەزينفەكسيالىق رەجيمدى ساقتاۋ بويىنشا قوسىمشا تالاپتار ەسكەرىلگەن. كاسىپكەرلىك نىساندارىن ىسكە قوسۋ ءبىرتىندىپ جۇرگىزىلەدى، ياعني ادامداردىڭ قارىم- قاتىناسى بارىنشا ازايادى»، - دەدى. سونىمەن قاتار قازاقستاننىڭ باس مەملەكەتتىك سانيتار دارىگەرى كاسىپكەرلىك نىساندارى ءتيىستى تالاپتاردى ورىنداۋعا مىندەتتى ەكەنىن اتاپ ءوتتى.
«كارانتين بولماعاننىڭ وزىندە ءبىز كوروناۆيرۋسپەن قاتار ءومىرىمىزدى جالعاستىراتىنىمىزدى ءتۇسىنۋىمىز كەرەك. بۇل ىندەت ماۋسىمدىق اۋرۋلار توبىنا كوشەدى، ياعني بۇعان دەيىنگى قۇس تۇماۋى سەكىلدى جاعداي ورىن الادى. سوندىقتان ءبىز وسىمەن ءومىر سۇرۋگە داعدىلانىپ، قورعانۋ شارالارىن ۇيرەنىپ، كۇندەلىكتى پروفيلاكتيكالىق شارالارىن ىسكە اسىرۋ كەرەك. سايكەسىنشە، كاسىپكەرلىك نىساندارى، كەز كەلگەن وندىرىستەر بەكىتىلگەن تالاپتاردى ورىنداۋى ءتيىس»، - دەدى ايجان ەسماعامبەتوۆا.
اۆتور: رۋسلان عابباسوۆ