بۇعان دەيىن جۇقپالى اۋرۋلار ستاتسيونارى رەتىندە جابدىقتالعان مەديتسينالىق مەكەمەدە قازىر 77 ادام ەم الىپ جاتىر. ءارقايسىسى وقشاۋلانىپ، جەكە پالاتاعا جاتقىزىلعان.
بۇدان بولەك، مينيسترلىك الماتى قالاسىنان 30 شاقىرىم جەردە 900 ادامعا ارنالعان مەديتسينالىق كەشەن جاساقتاعان. مۇندا قاۋىپتى ۆيرۋس جۇقتىرعان ناۋقاستاردى ەمدەۋ جانە دياگنوستيكا جاساۋعا ارنالعان رەنتگەن قوندىرعىلارى مەن زەرتحانالار، وكپەنى جاساندى جەلدەتۋ اپپاراتتارىمەن جابدىقتالعان جانساقتاۋ، ءتىپتى وپەراتسيا بولىمدەرىنە دەيىن بار.
بولاتبەك ساحوۆ، ق ر قورعانىس مينيسترلىگى اسكەري گوسپيتالى باسشىسىنىڭ ورىنباسارى مىندەتىن اتقارۋشى:
- قورعانىس مينيسترلىگى وسىنداي سىن ساعاتتا ەلىمىزدىڭ دەنساۋلىق ساقتاۋ مينيسترلىگىنە كومەك كورسەتۋدى ءجون سانادى. جۇقپالى ينفەكسيامەن كۇرەسۋ ءۇشىن دارىگەرلەر مەن مەدبيكەلەردەن قۇرالعان بريگادا ارنايى دايىندىقتان ءوتتى. ولار وزدەرىنىڭ مىندەتىن جاقسى بىلەدى جانە قاۋىپسىزدىك شارالارىن ساقتايتىن بولادى.
www.24.kz